Corpus Van Reenen-Mulder (CRM14): Oorkonde L237p37501

Jan Jans soen van + den bogarde van doerne heeft vercoft den gasthuse van helmont Een erfmauder rogghen der maten van helmo_t Alle Jare te ghelden op onser vrouwen dach dat men kerssen b˚rnt vte_ haluen hof die hi ghecreghen heeft van ghevart den brouwer en_ vten poelecker die hi ghecreghen heeft van selen van + den bosghe sinen sweer Ende daer af heeft hi den gasthuse voers_ gheloeft alle dat te doen dat men van (onleesbaar) ? sculdich te doen / en_ dat / goet en_ wale doeghende daer voer te maken op hoem en_ op siin goet En_ (onleesbaar) kende dese Jan voers_ dat hoem hir af wale betaelt was en_ scaut tsgasthuse voers_ hir af quijt hir ouer waren die Scepen te helmo_t Noude becker heinric die weder Coel die smyt en_ Peter van + der heyden die dit aenbrenghen hore_ medescepene Goderde van bijstervelt gherarde dusche en_ ghisebrecht reyners sone Jn Orconde deser lettere_ bezeghelt metter stat zeghel van helmont Ghegheue_ int Jare ons heren . + M . + ccc . + tseuentich en_ viue Jn sente servaes dach