Corpus Van Reenen-Mulder (CRM14): Oorkonde L237p37901

Jan van adorp heeft verpacht erfliken heinric boen sijn goet en_ erfenisse gheleghen in die p_ochie van n˚nen met allen sine_ toebehoere_ also alse heinric baten soen van helmo_t dat te (onleesbaar) plach om vijf mudde erfrogghe_ en_ om een mudde erfghersten der mate_ va_ N˚nen alle Jaer te ghelden den voers_ Ja_ne op ons_ vrouwe_ dach als + me_ kersen b˚rnt ? te ? op dat goet ? en_ om twee erfmudde rogghe_ die + me_ daer vit sculdich is der mate_ van helmo_t erflijc te ghelde_ ten voers_ tide den ghene_ die + se in dat voers_ goet ghecocht ocht vercreghen hebben en_ voer een vaet ghersten erflijc daer vit te ghelden en_ voer den h_en tijns die + me_ daer Jaerlijc vit gheldende is / en_ heinric boen voers_ heeft den voers_ pacht en_ tijns voers_ erflijc daer vit gheloeft wittelijc en_ wael te ghelde_ en_ te betale_ ghelijc alse voers_ is ende Jan voers_ heeft dat voers_ goet gheloeft te were_ van allen andere_ voerco_mer op hem en_ op sijn goet hier ouu_ ware_ die Schepe_ tot helmo_t herman van eindhouts Pet_ van + der heiden heinric die weder en_ Jan van stibdonc aenbrenghende ? ?schepene_ Jan duussche Melijs van milheze en_ heinric roefs soen Jn orconde deser lett_en bezeghelt metter Stat zeghel van helmo_t Gheg_ int Jaer ons h_en . + M . + ccc . + lxxix op sente seuerijns dach . . .