Corpus Van Reenen-Mulder (CRM14): Oorkonde L237p38301

Marcelijs van + der dozeldonc / en_ Peter sijn soen hebben wittelijc vercoft Melise van milheze een stuc beemts gheleghe_ after die dozeldonc dat Jaerlijcs rijdt teghen gheueken lute_ soens beemts ghelijc der schepe_~brief volcomelik_ begrijpt daer dese schepe_brief doer ghesteken is en_ dien brief voers_ hebbe_ si melijs voers_ ouu_ghegheue_ en_ mechtich ghemaect / en_ hebbe_ op dat voers_ stuc beemts verteghen tot behoef melijs voers_ en_ hebben hem alle_ voerco_mer die daer van hare_ weghe_ in sijn mach altemael af gheloeft te doen en_ dat vertiden vast en_ stede gheloeft te haude_ op hen en_ op haer goet tot eweghe_ daghe / hier ouu_ ware die schepe_ tot helmo_t herma_ van eyndhouts Jan van stibdonc Jan dapper godert gobe_ / en_ melijs va_ milheze voers_ aenbrenghende hare_ medeschepe_ Ja_ne duschen en_ wille_ den weder In orconde deser l_ren bezeghelt metter Stat zeghel va_ helmo_t Gheg_ int Jaer ons here_ dusent drie + hond_t tachte_tich en_ drie op sente Agnete_ dach der heilegher Maghet