Corpus Van Reenen-Mulder (CRM14): Oorkonde L237p38401

Art soen wilen arts Jans soens soen aen deen zide / en_ heinric die + me_ heit bliec aen dander zide / hebbe_ eendrechtelijc ghedeilt met haerre beider contsent en_ wille / dat huys dat gheleghen is aen der lijnden te helmo_t / bi erfenis goderts goben aen deen zide / en_ die ghemeine straet vitgaende ter hameiden aen dander zide / Jn deser manieren / dat art voers_ hebben sal die drie ghedeelt rechte doergaens + / van + den voers_ huze benede_ / en_ drie deel bouen / aen beide die zolre / En_ heinric voers_ sal hebben die twee ghedeelt in de_ voers_ huze / beneden / en_ twee deel boue_ / aen beide die zolre / voers_ / en_ hier mede heeft hen beiden deser deilinghe_ ghenughet / en_ hebben + se gheloeft aen beiden zide_ stat en_ stede te houden op hen en_ op haer goet / met aldus~ghedaenre voerwarde_ toeghedaen / dat art voers_ sijn ghedeelt van + de_ huze voers_ decken sal en_ mach ouu_ heinrics voers_ ghedeelt alse hijs te doen heeft en_ ter minst_ scade_ / en_ heinric weder ofte hijs te doen heeft / ouu_ arts voers_ ghedeelt / hier ouu_ ware_ die schepe_ tot helmo_t Willem die weder / pouwels van bladeracken / heinric roefs soen / en_ heinric mestel / aenbrenghende hare_ medeschepe_ herma_ van eyndehouts / marcelijs van + der dozeldo_c / en_ Jan van stibdonc / Jn orconde deser l_ren bezeghelt metter stat zeghel va_ helmo_t / Ghegh_ int Jaer ons h_en dusent drie + hondert / + tachte_tich en_ vier / sdijnsdaechs na sente bonefaci_ + dach . . .