Corpus Van Reenen-Mulder (CRM14): Oorkonde L237p38601

Heinric stocs en_ heinric van + den hoeghenhuys sijn swagher hebben ghesamenderhant verpacht erfelijc en_ vmmerme_ Willem van werdt een stuc beemts gheleghen in + der p_chien van helmo_t tusschen erfenis marcelijs van + der dozeldonc aen deen zide en_ erfenis michiels van + de_ wasberch aen dander zide / voer twee goede hollansche gulden twee aude vlaemsche groet min / alle iaer te betalen op sente Mertens dach in die maent va_ nouembris ende daer voer hebben si willem voers_ dat voers_ stuc beemts gheloeft te were_ vitghenome_ twee hoenre die + me_ daer iaerlijx vit ghelden sal op hen en_ op haer goet en_ wille_ voers_ heeft hen weder gheloeft dat voers_ iaerghelt en_ tijns daer vit te ghelde_ ghelijc voers_ is en_ heeft hen daer toe gheset tot ene_ zek_en onderpande veertich schillinghe payme_ts iaerghels te ghelden erfelijc en_ iaerlijx vit den derdeel va_ ene_ halue_ ? lants gheleghen tussche_ erfenis coelkens van ripelsberch was aen deen zide en_ erfenis gherijts duschen kinde aen dander zide dat (onleesbaar) (onleesbaar) lisebette_ sine_ witteghe_ wiue en_ die veertich schillinghe voers_ heeft hi ? daer in gheloeft te were_ van allen voerco_m__ op hem en_ op sijn goet ghetughen waren hier ouu_ schepe_ tot helmo_t heinric die weder en_ heinric roefs soen Ghegh_ int Jaer der gheboerte_ ons h_en dusent drie + hond_t tachentich en_ sesse op sente hubrechts dach