Corpus Van Reenen-Mulder (CRM14): Oorkonde L237p38602

Jan dusche van helmo_t / heeft verpacht erflijc en_ vmmerme_ heinric den pelser van ghemert / een huys en_ hof mette_ palen daer toe behorende / gheleghen tot helmo_t in die cloesterstraet / tussche_ erfenis arts van bokel aen deen zide / en_ erfenis gherijts erfghenaem van + de_ put aen dander zide voer ene_ auden schilt der mu_ten des coni_cs va_ vrancrijc / ofte die werde daer voer i_ and_en goede_ payme_t / welc aude schilt voers_ sal goet sijn van goude / en_ gherecht va_ ghewicht / en_ voer een mud rogs erfpachts der mate_ van helmo_t / dat hem heinric voers_ bewijst en_ ghevest heeft in ? onderpande te gheme? also dats Jan voers_ ghenoechde welke_ aude_ schilt voers_ ochte die werde daer voer voers_ / hi erflijc beta? sal vit den voers_ huys en_ hof alle_ Jaer den voers_ Ja_ne op onser vrouwen dach als + me_ kersen bornt / en_ Jan voers_ heuet dat voers_ onderpant daer voer gheloeft te w_en van alle_ auden voerco_m__ op hem en_ op sijn goet Ghetughe_ ware_ hier ouu_ schepe_ tot helmo_t Godert gobe_ en_ ghisebrecht van der wintmole_ gheg_ int Jaer der gheboerte_ ons h_en . M . + ccc tache_tich en_ sesse opte_ dertiende_ dach in Mert