Corpus Van Reenen-Mulder (CRM14): Oorkonde L237p38902

Lysabeth natuerlijc docht_ wilen h_en laurents p_soens van helmont met hare_ vercore_ momb_ die haer die right_ gaf met vo_nis en_ met recht heeft wittelijc vercocht h_en godert hare_ broeder priest_ / een mudde rogs erfpachts der maten van helmo_t en_ twentich schillinghe erfeliker rente_ payments alse ghemeinlijc in b˚rzen gaen sal alle iaer op onser vrouwen lichtmis dach te ghelden en_ te helmo_t te leuere_ / welc mud rogs erfpachts en_ twentich schillinghe erfeliker re_ten payments voers_ goesswijn heilwighe_ soen van gherwen der voers_ lisebetten vercocht hadde vit sine_ huze houe / lant en_ ? ? hem van sine_ vader verstorue_ was en_ vit alle goet en_ erfenis die den voers_ goesswin versterue_ soude van sijnre moeder soe waer si gheleghe_ sijn ghelijc der schepe_~brief van helmo_t volcomeliker haudende is daer op ghemaect ? op dat voers_ mud rogs erfpachts en_ twentich schillinghe voers_ heeft si verteghe_ tot behoef h_en goderts voers_ en_ heeft hem alle_ voerco_m__ die van hare_ weghen daer in sijn mach altemael af geloeft te doen op haer en_ op haer goet en_ heeft hem den schepene_~brief van helmo_t daer op ghemaect voers_ ghemechticht ouu_ghegheue_ en_ opgedraghe_ ghelijc also sijs machtich was Ghetughe_ ware_ hier ouu_ schepe_ tot helmo_t heinric roefs soen ende heinric mostel Ghegheue_ int Jaer d_ gheboerte_ ons h_en dusent drie + hondert tachtentich en_ neghen opte_ vijftiende_ dach in Mert . . .