Corpus Van Reenen-Mulder (CRM14): Oorkonde L237p39101

Wij heinric die weder / heinric die pelser van ghemert / Jan lambrechts soen van Milheze / Roef arts soen / Heinric truden / Willem arts mans / en_ Jan danels Schepen_ didderic die weder / en_ Peter vten vehuize / gheswore_ der stat van Helmo_t / Doen cont en ieghlike_ dat voer ons come_ sijn goede en_ bescheide_ eersam ma_ne dat is te wete_ Jan husema_ Jan bijsteruelt / Gherijt Wegma_ / en_ Godert andries soen / en_ worde_ voer ons optie heileghe_ gheeyt van onsen scoutheit van helmo_t / en_ doen si gheswore_ hadde_ ten heileghe_ tugheden si eendrechtelijc opte_ eet die si daer voer ons ghedaen hadden / op haer best en_ op haer hoechste salicheit dat si wael tachtentich iaer aut ware_ en_ me_ / en_ dat hen wael cundich is . dat me_ die ghemeine herde van helmo_t ouuer vijf en_ vijftich iaer en_ me_ plach te driuen / ende te hoeden die ghemeine beesten van helmo_t om haer weyde te neme_ en_ te soeken ouuer en_ doer ene_ ghemeine_ wech bi Jans huys va_ herzel gheleghe_ in opene_ tiden van + de_ Jaer van rechts weghe_ in die beemde gheleghe_ ter stede gheheite_ in + den werdt / en_ soe voert omtrent en_ after dat cloester van Bynd_en en_ soe voert ? tussche_ tgoet ter kemenade_ en_ tgoet gheheyte_ ? / Voert soe hebben si eendrechtelijc op hare_ eet voers_ ghetughet . dat die voers_ ghemeine herde en_ beeste woerden oec ghedreue_ ouuer ene_ and_en wech die gheleghe_ is bi didderics erfenis van + den goer ten opene_ tiden van + den jaer optie voers_ beemde in + den werdt / en_ dat si daer + bi en_ aen ware_ / dat her lodewijch va_ Berlaer he_ van helmo_t en_ van keerberghe_ en_ sijn lude . die twee weghe voers_ van rechts weghen en_ met vonnis der schepen_ op deden doen en_ opene_ alsi niet op vonden en ware_ . om die voers_ herde en_ beeste_ doer te driue_ om haer weyde te hebben en_ te halen ter stede_ voers_ en_ om dat cloest_ voers_ . Jtem zegher van vlierden en_ Jan van + der voert van Arle eersame en_ bescheide_ lude van bute_ helmo_t / hebben ghetughet eendrechtelijc op hare_ eet en_ op haer hoechste salicheit / dat hen oec wael c˚ndich is dat her lodewijch en_ sijn lude voers_ die voers_ weghe op dede_ doen en_ opene_ ghelijc voerscreue_ is / en ghelijc alse die ander goede eersame ma_ne voers_ voer ghetughet hebben / Ende om een eewelijc ghedenkenis hier nae te hebben / soe dede her Lodewich voers_ sine_ richter te helmo_t gheheite_ Coelken van dynct_ den kind_en en_ den Jonghen luden van helmo_t die daer bi ware_ gheue_ en_ spijnde_ weytenbroet om dat si daer ghesien hadden te bat onthoude_ soude ende ghedenke_ . Jte_ soe hebben ghetughet eendrechtelijc op haren eet en_ op haer ouerste salicheit goede eersame en_ bescheide_ lude dat is te weten Godert en_ art andries kind_e Peter die coninc Gherijt wegma_ Jan van bijstervelt Godert sijn broeder Heinric scoenwout_s soen / en_ Jan selen soen / dat hen wael c˚ndich is dat die scape en_ die beesten van + den goede ter kemenade_ voers_ ghesent ware_ optie ghemeint van helmo_t van + den gheswoere_ scutter van helmo_t / + en_ van + der ghemeinte_ voers_ afghedreue_ ware_ en_ binne_ helmo_t bracht op ene_ besloten hof die doen ter tijt Jans van loeffen was / daer die voers_ scutter sijn scat af na_ eer hi die scape en_ beeste_ voerscr_ teluierere_ woude / en_ dit geschiede doe Jan gheheite_ van vlierde_ laet was opt voers_ goet t? kemenade_ / des wael lede_ was me_ dan viue en_ vijftich iaer en_ hebben me_ ghetughet op hare_ eet voers_ dat hen wael c˚ndich is dat die beeste_ van + der kemenade_ voers_ optie voers_ ghemeint niet en plaghe_ te gaen van einichs rechts weghe_ . mer alse een porter van helmo_t . daer op sat i_ laetscap dat + me_ dan met hem ouu_mids sijnre port_e wille plach te liden / en_ dat + me_ hem dan wat ghehenghede en_ orloefde en luttel beeste_ daer op te driue_ en_ niet van recht . Oec soe en wisten dese voers_ eersame goede en_ bescheide_ ma_ne me / noch en hoerden ghesegghe_ va_ hare_ voerd_en van enegher zekerre ? der palen van Bynd_en rurende aen die ghemeint van helmo_t voers_ noch voerder noch naerre / dan aen die graue_ en_ tune_ gheleghe_ aen erfenis des cloesters voers_ / En_ want wij Schepen en_ gheswore_ der stat van helmo_t voers_ alle_ die goede eersame ma_ne en_ en yghelike_ hebben gehoert en_ sien sweere_ doen si gheyt ware_ van h_man van eyndehouts onse_ scouth_ van helmo_t voers_ / en_ dat si tugheden eendrechtelijc alle_ en_ en ieghelike p˚nte_ ghelijc si voerscreue_ sijn Soe hebben wij in orconscap der waerheit onsen ghemeinen zeghel der Stat van helmo_t hier aen doen hanghen Ghegheue_ int Jaer der gheboerte_ ons here_ Dusent drie + hondert neghentich en_ een . opte_ sestienden dach in Ghertsmaent