Corpus Van Reenen-Mulder (CRM14): Oorkonde L237p39701

Jan die p_uemeest__ van stiphout heeft ghegheuen om gods wille en_ Jn recht_ ghiften en_ opghedraghe_ den heylichgheestmeest_en van helmont in + den name ende tot behoef der armer aldaer Een stucsken beemts gheleghe_ Jn ghenen Rybosch aen den prickerdyke tussche_ erffenisse Jans bakelmans aen deen side en_ erffenisse lijsbette_ kind_en van dunouwe aen dand_ side als sij seiden Ende Jan die p_uemeest__ voirs_ heeft op dat stucsken beemts voirs_ helmelinghe als ghewoenlijc is v_teghe_ tott_ armer behoef voirs_ en_ heeft geloeft op hem en_ op zijn goet ghift opdraghe_ en_ v_tien voirs_ vast en_ stedich te hauden tot ewighe_ daghen Ghetughen ware_ hier ouu_ Scepen tot helmont henric truden soen en_ roef arts soen Gheg_ Jnt Jaer d_ gheboerte_ ons h_en doe men screef duesent drie + hond_t ? en_ negentich opte_ twentichsten dach Jn meert . . .