Corpus Van Reenen-Mulder (CRM14): Oorkonde L237p40001

Heinric mostelle tsheylichsgeestmeest_ van helmont heeft wael betuecht Jn ene_ ghebanne_ ghedynge en_ met schepene_ van helmo_t dat Rouerken Jutten soen van bakel voermaels ouuer twee en twentich Jaer en_ ouuer langh_en tijt quam tot helmo_t voer die schepen van helmont en_ gaf ouuer ende droech op den heylichgeestmeest_en doe ter tijt van helmo_t Jn + de_ name en_ tot behoef tsheylichsgeests ende der arme_ van helmont alle alsulken erffenisse gelege_ binne_ d_ p_chien van bakel / alse des selfs Rouerkens vad_ voertijts van + de_ heylich~geestmeest_en va_ helmo_t gheerfpacht oft vercreghe_ hadde / en_ die Rouerken voirs_ van sine_ vad_ bleue_ en_ verstorue_ waren Ende dat die voergenoemde Rou_ken helmelinge verteech doe t_ tijt op alle die erffenisse voirs_ tot behoef tsheylichsgeests en_ d_ arme_ voirscr_ En_ dat hi dat ouuergheue_ opdrag_ en_ tfertien voirs_ vast en_ stedich geloefde te hauden tot ewege_ dagen op hem en_ op al zijn goet Getuge_ ware_ hier ouu_ Scepen tot helmo_t heinric truden ende roef arts sone Geg_ Jnt Jaer d_ geboerte_ ons h_en doe me_ screef duesent en_ vier + hondert op sente Cecilien dach . . .