Corpus Van Reenen-Mulder (CRM14): Oorkonde L264p38601

Wij lodewijch van eynhouts jan van Rode jan marien soen / Syman lambrechts soen / willem van eyke / henric Mertens soe_ ende Dyrc die vrode Scepenen in Someren Doen cont en + yegheliken Dat voir ons is comen henric wittich soen wilen lijsbetten die men hiet van + der hegghen En_ heeft wettelijc vercocht Dyrc sinen witteghen br˚eder Ene stuc lants dair men twe lopen Rogs der maten van zomeren op te sayen pleecht met alsulkenen scepenen~brieuen ende vorwarden als die selue henric dair af ghecreghen heeft / als hij sede / Ende welke stuc lants gheleghen is aen ghene slyuen jn + die p_chie van Someren / streckende mette_ enen eynde aen erfenis die wilen toebehoerde R˚tgher van lijshout / En_ metten andere_ eynde streckende aen ene_ ghemeyne_ kercwech van Someren / als hij sede En_ dese voirg_ henric vercoper heeft dair helmelinghe op verteghen tot behoef Dyrcs Sijns br˚eder voirs_ / Woert heeft die selue henric gheloeft op hom ende op al Sijn goet / Den voirg_ Dyrc sine_ br˚eder van desen voirg_ stuc lants met allen sine_ toebehoerten Gherecht warant te sijn / En_ dat hij al voirco_mer die dair in weer vytghenomen tsheren tsijns af sal doen / Bezeghelt metten ghemeynen seghel ons scependoms van zomere_ Ghegeuen jnt iaer ons here_ / Doe + men screef dusent drie + hondert tachtentich ende Sesse Op Sente pauwels dach co_uersio