Corpus Van Reenen-Mulder (CRM14): Oorkonde L264p38701

Wij lodewijch van eynhouts / Syman lambrechts soen / Jan Marien soen willem van eyke henric Mertens soe_ / En_ dyrc die vrode / scepene_ jn zomeren / Doen cont en + yegheliken / Dat voir ons is comen Jan van Rode onse mede~scepen / En_ heeft wittelec vercocht / Dyrc wittich soen wile_ lisbetten Dyrcs sceymen dochter was / Ene stu? beemps gheleghen jn ghene Ramsel jn die p_chie van zomeren / Mett_ eenre siden Neuen erfenys Maes van aven / En_ mett_ ander siden Neuen erfenys henrics jans herincs soen / als hij sede / En_ Jan vercoper voirs_ heeft dair helmelinghe op verteghen tot behoef dyrcs copers voirs_ / Voert heeft Jan vercoper voirs_ gheloeft op hom / En_ op al sijn g˚eden / den voirg_ dyrc coper van desen voirg_ stuc beempts met allen sine_ toebehoerten / Gherecht warant te sijn / En_ dat hij al voirco_mer die dair jn were vteghenomen tsh_en tsijns van + den gronde die + men Jaerlecs dair vyt ghilt / als hij sede / Den seluen Dyrc coper / altemael af sal doen / Bezeghelt metten ghemeynen zeghel ons scependoms van zomeren / Ghegheuen int iaer ons h_en / Dusent drie + hondert tachtentich + , en_ zoeuen opten naesten sondach nae onser vrouwen lichtmis dach