Corpus Van Reenen-Mulder (CRM14): Oorkonde L264p38901

Wij jan marien soen Symon Lambrechts soe_ Dyrc die vrode willem van eyke willem die Raet en_ Roef van verster scepene_ jn zomere_ / Doen cont en + yegheliken / Dat voer ons js comen Henric wittich soen jans herincs van zomere_ / en_ heeft wittelec vercocht ja_ne van de_ Rode onsen mede~scepene_ tot behoef Dyrcs soe_ wilen Lijsbetten sceynen Enen beempt gheleghen in ghene Roensel jn die p_chie van zomere_ tussche_ erfenys Dyrcs voers_ ae_ deen side en_ erfenys Gheryts heecs aen dander side met alle_ sine_ toebehoerten / als hij sede En_ heeft helmelinghe daer op verteghen tot behoef Dyrcs voers_ / Voert heeft gheloeft henric vercoper voers_ op hom en_ op al sijn g˚ede / den voers_ janne van + den Rode tot behoef dyrcs voers_ van desen voerg_ beempde met alle_ sine_ toebehoerte_ gherecht warant te sijn / En_ dat hij al voerco_mer die daer jn were Vytghenome_ tshere_ tsijns van + den gronde die + me_ jaerlijcs daer vyt ghilt / als hij sede / den seluen Dyrc altemael af sal doen / Bezeghelt metten ghemeyne_ zeghel ons scependoms van zomere_ / Ghegeuen jnt iaer ons H_en / Dusent drie + hondert tachtentich en_ neghen Opten naeste_ sondach voer Sente (onleesbaar) dach apostels