Corpus Van Reenen-Mulder (CRM14): Oorkonde L264p39101

Wij jan van + den Rode / jan bolx soen / Syman lambrechts soen henric van styphout willem die Raet / en_ henric va_ werdinghen / scepenen jn zomeren Doen cont en + yegheliken / Dat voer ons js comen hadewijch dochter wilen lijsbetten die + me_ heet van + der hegghen met h˚eren ghecoren momb˚er die huer die Richter ghegeuen heeft met vo_nys der scepene_ als daer af ghewoent en_ recht is En_ heeft Opghedraghen en_ ouerghegeue_ Dyrcke soe_ wilen lijsbetten die + me_ hiet van + der hegghen / Een stuc lants gheleghen aen ghenen slyuen jn die p_chie van zomeren streckende metten ene_ eynde aen erfenys die wilen was Rutghers van lyeshout / en_ metten andere_ eynde streckende aen Enen ghemeyne_ kercwech als sij sede / met alle scepene_~brieue_ en_ vorwarden die hadewijch voirs_ daer af ghecreghen heeft en_ die daer op ghemaect en_ ghedicht sijn / En_ hadewijch met h˚eren momb˚er voirs_ heeft op dat voers_ stuc lants op die voers_ scepene_~brieue en_ op al recht dat h˚er daer daer jn toebehoren mocht tot behoef dyrcs soe_ wilen lijsbette_ voers_ helmelinghe verteghen Voert heeft gheloeft hadewijch met h˚eren momb˚er voers_ op h˚er en_ op al h˚er g˚ede / dopdraghen douergheue_ / en_ tfertyen voers_ ewelijc vast en_ stedich te hauden / en_ al voerco_mer van h˚erentweghen daer jn wesende altemael af te doe_ Bezeghelt metten ghemeyne_ zeghel ons scependoms van zomere_ / Ghegeuen jnt jaer ons h_en / Dusent drie + hondert tneghentich en_ een / opte_ naesten sondach nae Sente jans dach (onleesbaar) te myd~zomer gheleghen