Corpus Van Reenen-Mulder (CRM14): Oorkonde L271p36601

Wj Sander vyncke Riechter Adaym mout ende harman mensenneir scepene to venle doen Cont allen luden die desen brief suelen sien of hoeren lesen Ende tugen dat onder onsen segelen die aen desen brief gehangen sijn Dat voer ons sijn Comen Arnt vyncke ende kathrine sijn witlijc wief ende hebben bekant dat Sij hebben gegeuen to erftijnse heinric wayer ende kathrinen sinen witliken wiue ende oeren Eruen eyn hues mitten hoefgaerde die daer achter light so wie dat gelegen is mit sinen toe~behoer opter vleysstraeten tusschen ? pupkens Erue van der eynre syden / ende ? kynder Erue des stroeders van der ander syden erflic ewelic ende vmm_meir Om eyne marcke guets gelts jaregulden jn alsulken gelde alse to venle in + der stat (onleesbaar) genge ende gheue is wellic marcke guets gelts jaregulden voers_ heinric ende kathrine sijn wief voerg_ en_ oer Eruen ? gheuen en_ betalen alle jaer ewelic en_ vmm_meir Arnt en_ kathrinen sinen wiue voers_ en_ oeren Eruen van den voerg_ hues mit sinen toe~behoer Op sente johans dach baptiste te middesoemer / Ende arnt ende kathrine sijn wief voers_ hebben ? heinric ende kathrinen sinen wiue voerg_ ende oeren Eruen dit hues mit sinen toe~behoer voers_ to weeren jaer ende ? van alle den ghenen die ten rechten Comen wille_ also alse recht ende gewonentliken is te + doen van erftijnsguede bennen der stat van venle ende alle vurbrieue ende alle aensproke af + te + doen Ende heinric ende kathrine sijn wief voers_ en_ oer Eruen suelen gheuen ende betalen alle jaer van den voerg_ hues alle recht ende onrecht Alle argelist afgedaen Gegeuen int jaer ons h_en Dusent Drie + hondert Sesse ende tsestich Op sente vlrichs dach