Corpus Van Reenen-Mulder (CRM14): Oorkonde L271p36701

Wij Sander vyncke Riechter lodewiech degen ende harman mensenneir scepene to venle doen Cont allen luden die desen brief suelen sien of hoeren lesen Ende tugen dat onder onsen siegelen die aen desen brief gehangen sijn Dat voer ons sijn Comen bele ve˚sten ende mette oer dochter ende hebben bekant dat Sij hebben verkocht mit oeren ?den wille recht ende redeliken Johan reyinken den goyts? ende Greten sinen witliken wiue ende oeren Eruen / eyn Camer so wie dye gelegen ende onders? (onleesbaar) bennen willem vensen schuren wanne was alre meest heynen Dusinxs hues bi + der scoelbeke Omme eyn Su_me van gelde die belen ende metten voers_ wal betaelt is / Ende bele ende mette voerg_ hebbe? alincliken vertiegen op dese voerg_ Camer ende sijn derre vyt + gegangen voer Riechter ende voer scepene ende hebben oen daer af ontErft ende hebben Johan ende Greten voers_ daer ane gee? mit alle den recht dat der stat recht van venle gelegen is / also dat bele noch mette voerg_ daer ane voertmeir gheenrehande recht hebben noch behalden en + suelen / Ende van deser voerg_ Cameren sijn gedaen ons h_en gebot van Gelren ende onser stede gewoende bennen den hospitale ? ? Sesse weken / voert so hebben bele ende mette voerg_ geloeft Johan ende Greten voers_ ende oeren Eruen dese voerg_ Camer to weeren jaer en + daech van alle den ghenen die ten rechten comen wille_ also alse recht ende gewonentliken is te + doen van Erue bennen der stat van venle ende alle vurbrieue ende alle aensproke af + te + doen / Alle argelist afgedaen Gegeuen int jaer ons h_en Dusent Drie + hondert Seuen ende tsestich des gudendaechs na sente agathen dach der jonfvrouwen