Corpus Van Reenen-Mulder (CRM14): Oorkonde L271p37101

Wij Arnt vincke richt_ lodowigh degen En_ harman mensen_e schepen to venlen Doen cont allen luden die desen brief solen sien of horen lesen En_ tugen dat onder onse segelen die aen desen brief gehangen sijn Dat vur ons sijn comen Gerat raetsel en_ katherijne sijn wittigh wijf En_ hebben bekant dat sij met willen wilhems des vurg_ gerats soen en_ myt wille_ des vurg_ wilhems wittige_ wijfs metten hebbe_ verkoght recht en_ redelich peter ketken en_ truden sijne_ wittige_ wijue en_ o_en eruen enen koelhof gelegen opt_ vleistrate_ acht_ des vurg_ gerats h˚ys tussen claes busschen erue van der eenre sijden En_ tussen des vurg_ pet_s erue van der ander sijden O_me een somme van gelde die oen wale betaelt is En_ gerat katherijne wilhem en_ mette vurs_ hebbe_ alinclich vertegen op den koelhof vurs_ En_ sijn des vtegegaen vur richt_ en_ vur schepen En_ hebbe_ oen daer af onterft en_ hebbe_ pet_ en_ truden vurs_ en_ oer eruen daer aen geerft myt alle den recht dat der stat recht va_ ve_le_ gelege_ is also dat sij daer aen voertm_e geenrehande recht hebbe_ noch behalden en solen En_ va_ desen v˚rg_ koelhof sijn gedaen ons h_en gebot van gelre_ en_ ons_ stede gewoende be_nen den hospitael van venlen sesse weke_ voert so hebbe_ gerat en_ wilhem vurs_ gelaeft pet_ en_ truden vurs_ en_ o_en erue_ desen koelhof vurs_ te w_en jaer en_ dach van alle den ghene_ die ten rechte_ come_ wille_ also als recht en_ gewoenlich is te doen va_ erue be_ne_ der stat van venle_ En_ alle vurbrieue En_ alle aensprake af te doen alle argelist afgedaen Gegeue_ jnt jaer ons h_en dusent dri + hondert Een en_ seue_tich des donrensdages na sente vrbaens dach jn den maent van meie