Corpus Van Reenen-Mulder (CRM14): Oorkonde L271p37401

Wij johan vullinch richt_ h_man mensen_e en_ jacob van neer schepen to venlen doen Cont alle_ luden die desen brief solen sien of hore_ lesen En_ tugen dat onder onse segele_ die an desen brief gehange_ sijn / dat v˚r ons is Come_ Tilma_ va_ weuelchoue_ En_ heeft bekant dat he heeft gegheuen te erftijnse jacob coex en_ aleiden sijne_ wijue en_ o_en erue_ . sijne dri morge_ en_ een vierdel van eyne_ morge_ lands . die gerat ? plage_ te sijn So wie dat vurg_ lant gelege_ is myt sijne_ to~behore_ opten laer tusschen heyne_ bonenbeckers lande van der eenre side_ en_ tusschen den weghe an die ander side_ Erflich ewelich en_ vmm_m__e o_me acht en_ viertich g_te jaergulden jn alsulken g_te_ to venle_ i_ coma_s hant genge en_ gheue sijn . wellich acht en_ viertich g_te_ jaergulde_ vurs_ jacob en_ aleit vurs_ en_ oer erue_ solen gelde_ en_ betale_ alle jaer ewelich en_ vmm_m__e tilma_ne vurs_ en_ sijne_ erue_ op sente r_meis dach des bisscops va_ de_ lande vurs_ . aen te tale_ op sente r_meis dach nv neest come_de voert so heeft tilma_ vurs_ gelaeft jacob en_ aleide_ vurs_ en_ o_en erue_ dit vurg_ lant te w_en jaer en_ dach va_ alle den ghene_ die ten rechten come_ willen also alse recht en_ gewoenlich is te doen van erftijns~gude benne_ der stat van venle_ En_ alle vurbrieue en_ alle aensprake af + te + doen . alle argelist afgedaen Gegeue_ jnt jaer ons h_en dusent dri + hondert vier en_ seue_tich op sente laurens dach des marteleers