Corpus Van Reenen-Mulder (CRM14): Oorkonde L271p37501

Wij Johan v˚llinch Richt_ Johan van lo_me der alde ende Reynar schepen te venlen Doen Cont allen luden die desen brief solen sien off hore_ lesen ende tugen dat onder onse segelen Die an desen brief gehangen sijn Dat vur ons sijn Comen Peter storm en_ luytgardt sijn witlich wijf En_ hebben bekant dat sij hebben verkocht recht en_ redelich Johanne ketken en margreten sijne_ wittige_ wijue Oer stucke lands geheite_ dat Cloetke_ dat haldende is o_me~trent dri morge_ . So wie dat gelege_ is opt_ masen Tuschen mijns Johans van lo_me vurs_ lande van der eenre sijde_ en_ tusschen Martijns betkens lande van der ander sijde_ Omme eyn somme van gelde die oen wael betaelt is En_ Peter en_ luytgardt vurs_ hebben alinclich vertegen op alle dit verkocht landt vurs_ en_ sijn des vtegegaen vur richt_ en_ vur schepen En_ hebbe_ oen daer aff onterft En_ hebbe_ johanne ketken en_ margrieten vurs_ en_ oer eruen daer aen geerft myt alle den rechte dat der stat recht van venle_ gelege_ is also dat sij daer aen voertmere geenrehande recht hebbe_ noch behalden en soele_ En_ va_ desen lande sijn gedaen onss h_en gebot van gelre_ en_ ons_ stede gewoende sesse weke_ i_ den hospitale van venlen voert so hebben Pet_ en_ luytgardt vurs_ geloeft johanne ketke_ en_ margreten vurs_ en_ o_en erue_ dit vurg_ verkocht landt te w_en Jaer en_ dach van allen den ghene_ die ten rechte_ comen wille_ also as recht en_ gewoenlich is te doen van erue benne_ der stat van venlen en_ alle vurbrieue en_ alle ansprake af + te + doen . Alle argelist afgedaen Gegeue_ int jaer ons h_en dusent dri + hond_t vijf en_ seue_tich des irsten dages jn den meert