Corpus Van Reenen-Mulder (CRM14): Oorkonde L271p37901

Wij Gerat in gen Rade Richt_ johan van lo_me en_ iacob van neer schepe_ te venle_ Doyn cont alle_ luden die desen brief solen sien of hore_ lesen en_ tuge_ dat onder onse segele_ die an desen brief gehange_ sijn Dat vur ons sijn come_ heyn bonenbecker en_ demot sijn wittich wijf ende hebbe_ bekant dat sij verkocht hebbe_ johanne ketke_ en_ griete_ sijne_ wittige_ wijue en_ o_en erue_ oer stucke lands omb~trent twe morge_ so wie die gelege_ sijn an ger oien opt_ masen Tussen reynkens lande va_ neer van der eynre sijde_ ende tussen gebelen lande van lo_me van der and_e sijde_ omb eyn so_me van gelde die oen wael betaelt is Ende heyn en_ demot vurs_ hebbe_ alinchlich vertege_ op dit verkocht lant vurs_ ende sijn des vtegegaen vur richt_ ende vur schepe_ en_ hebbe_ oen daer af onterft ende hebbe_ johanne ketken en_ grieten vurs_ ende oer erue_ daer an geerft myt alle den recht dat der stat recht van venle_ gelege_ is also dat sij daer an voertm_e geenrehande recht hebbe_ noch behalde_ en solen En_ hir af so sijn gedaen ons h_en gebot van gelre_ en_ ons_ stede gewoende benne_ den hospitael van venle_ sesse weke_ voert so hebbe_ heyn en_ demot vurs_ geloeft joha_ne en_ griete_ vurs_ en_ o_en erue_ dit vurg_ verkocht lant te were_ iaer en_ dach va_ alle_ de_ ghene_ die ten rechte_ come_ wille_ also as recht en_ gewoenlich is te doen va_ erue be_ne_ der stat van venle_ En_ alle vurbrieue en_ al ansprake af + te + doen Alle argelist afgedaen Gegeue_ jnt iaer ons h_en M ccc nege_ ende seue_tich des sat_dages na sente dyonijs dach