Corpus Van Reenen-Mulder (CRM14): Oorkonde L271p39001

Wij arnolt vinck richter Goeswijn van Lo_me en_ Jacob van nere schepene to venle doen Cont allen luden ende Tughen dat onder onsen zieghelen dij aen desen brief gehanghen siin dat vur ons comen siin r˚ell Düke en_ hille siin wetlike wiif en_ hebben bekant dat sij hebben vercocht recht redeliken mit hueren vrien wille en_ in hueren alinghen bedde ioh_es diderijcs soen van Lo_me lijsbetten sinen wetliken en_ h˚eren er˚en ein malder goets Claers ? rogghen venleser maeten om ein su_ma van ghelde dij huen wael betaelt is welke malder eyrfrogghen ioh_es diderijcs soen vurs_ en_ lijsbette siin wetlike wiif en_ huer eruen s˚elen heffen en_ opb˚eren alle iaer tot ewighen daghen to vyt en_ aen alle hueren erue husinghen en_ goede dat sij op dat˚m dis briefs hebben en_ mechtich siin wij dat gheleghen is in ghen oede mit alle sine_ toebehoer ter einre ziden aen otten vriesen erue en_ ter ander ziden aen der ghemeinden van venle dij to velden (onleesbaar) (onleesbaar) geleghen is op Sint andries dach des apostolen en_ r˚ell en_ hille siin dis vurscr_ erfmalder rogghen vyt~ghegaen vur richter en_ schepenen en_ hebben huen en_ huer erue_ daer aef onteyrft en_ hebben ioh_es diderijcs soen liisbetten siin wetlike wiif en_ huer erue_ daer aen gheeyrft ten ewighen daghen to en_ suelen huen alle vurbrieue en_ alle aensprake daer aen doen van alle den ghenen dij des ten recht comen willen mit allen recht als onser stat recht gheleghen is en_ hiir aef siin ghedaen ons heren ghebot en_ ons_ stat ghewoent bennen den hospitael van venle sesse weken lanck Alle argelist aef~ghedaen in desen vurs_ zaken en_ p˚enten Gegheuen int iaer ons heren d˚sent dri + hondert en_ neghentich op sint antoniis auont