Corpus Van Reenen-Mulder (CRM14): Oorkonde L271p39801

Wij Arnolt van Bonne Richter Goeswijn van lo_me en_ Arnolt van lo_me Schepene tot venle doen kont allen luden en_ Tugen onder onsen ziegelen dij aen desen brief gehangen siin dat vur ons comen siin leonart vosch en_ hille siin wetlike wiif ende hebben bekant dat Sij hebben verkocht recht redeliken en_ mit hueren vrien wille Johan Greuerade den Cremer katherynen sinen wetliken wyue en_ hueren eruen vier gelres gulden eyrftiens elke gelres gulden also goet sael siin als eylf goede k˚yssge witte penninge en_ eynen hal˚en kuyssgen witten pe_ninck welke vier gelres gulden Johan Greuerade katheryna siin wetlike wiif en_ huer eruen Suelen opbueren ende opheffen alle iaer tot ewigen dagen to op onser vrouwen daech ass˚mptio dat sij to hemel voyre vyt en_ aen acht margen lants en_ erues wij dij gelegen Siin in gher oyen mit alle hu_en toebehoer in (onleesbaar) ? kamp ter eynre ziden aen Goedaerts erue van k˚ndichoeuen en_ ter ander ziden aen Grieten otten vriesen wiifs erue was want huen leonaert en_ hylle vurs_ dese vurs_ ? ? eyrftyens verkocht hebben om eyn somme van gelde dij huen wael betaelt is aen ? gelde Ende leonaert en_ hylle vurs_ Siin deser vurs_ vier gulden eyrftiens vyt~gegaen vur rechter ende vur schepenen en_ hebben huen en_ huere eruen daer aef onteyrft en_ hebben iohan Greuerade kat? ? en_ huer eruen daer aen geeyrft tot ewigen dagen to en_ Suelen huen alle vurbrieue en_ alle aensprake daer aen aef~doen en_ Suelen sij iaer en_ dach daer aen halden en_ recht werschaep daer af van alle den ghienen dij des ten recht comen willen als onse Stat recht gelegen is en_ van desen vurs_ vier gelres guldenen sijn gedaen onser heren gebot en_ ons_ Stat gewoent in + den hospitael van van venle Sesse weken lanck en_ dry daege Alle argelist hier in aef~gedaen Gegheuen int jaer ons heren dusent dry + hondert acht ende neghentich op Sint lambrechts auondt