Corpus Van Reenen-Mulder (CRM14): Oorkonde L286p39901

Wy Goedart hollen heynric op ghene straet Coel lemmens heynric van den molloc dideric peltmans . Jan heylen En_ jan vaes Scepenen tot hamont / t˚ghen dat voer ons comen is wilhem die weker / en heet vercocht Jan op roedenrit twe eerf~m˚dde rogghen En_ teyn vaet erfs~pachs der maten van hamon˚t gh˚yts pachs~corns te leveren Jan vors_ hoem of sijnen wetlicken erfghenamen alle jaer op onser vrouwen dach als men kerssen bornt / Daer voer heet hy hoem tonderpande ghesat alle nycols alinghe hoeve vyt~ghescheyden twe brabans b˚nre lans daer dese selve vors_ jan voer in ghegh˚yt is / daer reghenoeyt af is peter coeninx hoeve aen die eyn zide En_ aen die ander zide die ghemeynt gheleghe_ in der prochien van hamont Ende heten daer in ghehoeft en_ gheerft met meynnis En_ met vonnis also als lans recht gheleghen is Jn orco_de der waerheyt So hebbe wy Scepen_ vors_ onsen zeghel aen desen brief ghehanghen / ghegheven Jnt jaer ons h_en d˚ men screyf D˚sent dri + hondert / + neghen en + tneghentich des virdes dachs in februario