Corpus Van Reenen-Mulder (CRM14): Oorkonde L372p34301

WEyr rigter end scepen der stat van eyke gruten allen die~gheyn dy desen tghegenwordgen brif sijn och horen lesen En doen kont dat voyr ons erscenen eis godert der decker den mer het snepart . End heft becant vor ons dat he heft vercogt francken van de_ kirchove . + xij + . aude grote skonincs moenten van vrancrike och payment dar + vor . en die te betalen en te geven alle iaer tot sente lambrechs messe desen vorgenomden francken och sinen gheerven . - Weer och dat sake dat deys vorgenomde godert och sine gheerven desen vorghenomden francken home och sinen gheerve_ desen vorghenomde_ ceys nyet en gheven och en betalden tesen vorsprokene_ tide . So mocht deys vorghenomde francke och sine gheerven varen na meneneys srigters en vonnenneys der scepen Als ghewoynlic ende recht eys in der stat van eyke Tot den onderpande de hy ghenomt en ghescreven steyt Dat es eyn huus . dat steyt tuscen scupkens huys end heynen van de_ waude dat steyt ayn sheren hoef alre~nayst En_ eyn halve hoyst~statt dy ghelegen es tuscen winants hoyst~stat sbeckers en shere_ hoyf ayn der muren . Deser vorwerden eyghetugenes so hebben wer rigter end scepe_ der stat van eyke onsen propere_ Sigel ayn desen tgege_wordgen brijf ghehange_ . omme~dats de + pertyen van beden siden hebben gheeyscht end gebeden . gegeven in den jaren ons here_ dusent dri + hondert ende dri + en + vertich des seven_ + en + tvintich daghs Jn den meyrt