Corpus Van Reenen-Mulder (CRM14): Oorkonde L372p34302

. ; . WEyr richter end scepen der stat van eyke gruten allen die ghenen die desen tghegenwordghen brijf sijn och horen lesen . End doen hoen cont dat vor ons erscenen eis gerart snade / end heyt sich becant sculdich te sijn vrancken van de kyrcof achtyen aude groet Des skoninxs monten van vrancrike ocht payment dar vor End die te betalen alle jaer te paschen / Die heyt he hoem ghesat tonderpande Si gheseytten s˚nder desc˚re dorgands metten hoesteden / Weyr och dat saec dat deis vorghesproken gerart desen vorgheseyden vrancken och sijn gherven ayn desen cese te gheven och te betalen op desen vorghesaddenen dach ghebreclijc were ayn al och ayn eynen deyle / So mocht dese vorghedude vrancke och sijn nacomelincghe varen Ayn sinen onderepande Na manenysse srichters end vonnenysse der scepen als ghewonlijc end recht eis jn + der Stat van Eyke / Deser vorwerden eyn ghetughenysse So heb wey Richter end scepen der stat van Eyke onsen propren sigel desen tgheghen~wordghen brijf ayn~ghehanghen Om~dats dy partyen van beyden siden hebben ghebeden Jn den jaeren ons heren D˚ men screyf dusent dri + h˚ndert En dri + en + veyrtich Des tuindichs dachs ende gheyrst~mande - - -