Corpus Van Reenen-Mulder (CRM14): Oorkonde L372p34303

WEr richter en scepen der stat va_ eyke gr˚te_ alle di ghene die desen tgheghe_wordghe_ brijf sijn og hore_ lesen . Ende doe_ hoen cont dat vor ons erscene_ es dille diderichs wijf va_ de_ dael end hoyr ke_der . End Joha_ scoema_ . ende hebbe_ becant vor ons dat si sch˚ldich sijn vrancke_ va_ de_ kircof . thene . aude groet skoninx moe_ten va_ vrancrike og payme_t dar vor . end die te betalen en te gheve_ alle jaer tot sente lambrechs messe dese_ vor~ghenoemde_ vra_cke_ og sine_ geerve_ . weyr och dat saec dat dese vorghenoe_de partye_ och hoyr geerven dese_ vorghenoe_den vra_cke_ hoem och sine geerve_ ghebreclike were_ aen dese_ cese te gheve_ och te betale_ op dese_ vorghenoe_den dagh . So mocht dese vorghenoe_de vra_cke och sijn geerve_ vare_ na menenysse srighters end vonnenysse der scepe_ . als ghewo_lic end rechte es in + der stat va_ eyke . tot den onder~pande de hy ghenoemt end bescreve_ steyt . Dat eis eyn h˚es dat steyt tussche_ heine_ vde_mans h˚es end scoemans . dat h˚es vor . zeve_ . groet alsoengher groet als dar vorghenoemt sijn . Ende en half hoefstat die gheleghe_ es tussche_ dit vorghenoemde h˚es end scoemans h˚es die scoemans eis vor . drie . groet willich vorghenoemde onderpant dille_ end scomans die da vorghenoemt sijn onghedeylt end onghesceyde_ onder~pant eis dis vorghenoemde_ vrancke_ vor . theen . groet . Deser vorwerde_ eyn ghetughenesse so hebbe_ wer richt_ end scepe_ der stat va_ eyke onsen propere_ zighel desen tgheghe_wordghe_ brijf aen~ghehanghe_ . om~dats de partyen va_ beyde_ zide_ hebbe_ gheheist end ghebeden . In den Jare_ ons here_ dat men scrijft . M˚ . + ccc˚ . + en xlii&jring; . Des neesten daghs na sout_~mercs dagh . dat wer di vorcr˚etse dreght .