Corpus Van Reenen-Mulder (CRM14): Oorkonde L372p34901

. . . . / Weyr Richter / End scepen der stat van Eyk / duyn kont allen den ghene_ dy desen tgege_wordghe_ brijf solen zijn of horen lesen / met beken_n_is der wareyt . Dat vor ons kome_ ys in sijne_ Eygene_ p_soen Eyn besceyden Ersame Manne Peter ymseman / Porter onser vorgenoemder stat / en_ heeft gelijt / en_ bekant openbaer / Dat in eynre tijt de leden es / Eyn vrouwe was / dy geheiten was in hore_ kerstelijke_ name . . lijse monts / dy doet es / dor god dy zeel af hebben muyte wilge lijse vorgenoemt va_ hore_ vederlijke_ erve haudende / en_ besittende was . vijr . malder Rogge_ der maten van Eyk / alle jaer gheldende / en_ heffende te sent andrijs mes / ayn eyne_ gude_ onderpand / also als dy brive behauden dy dor op gemaect zijn . wilge vorg_ lijse in hore_ lesten wille / end in hore_ testament / in gesunde_ lijve / met vrien wille besat in gerecht_ elmessen vor hoer zeel dese . vijr . malter Roggen vorg_ / erflijc en_ vmm_meer in . vier . p_tien / als in horen Testtament bescreven es . willich guyt vorg_ Dys vorg_ Peter / ontfancge_ heeft in orber alder vorg_ partien als Recht ys . Vnder wilghen . vijr . mald_en vorg_ / dese vorg_ lijse / eyn malder besat heeft in gerecht_ elmesssen vor hoer zeel / erflijc en_ vmm_meer / heren vden den Paep Tilmans soen was va_ der Roderborch . Des ys kome_ her vde vorg_ en_ heeft sijn malder rogge_ / dat hoem besat was / als vorgescreve_ es / vercocht in gerecht_ kome_scap / Gobbelen Tilmans soen / als eyne_ muymber Sente barbaren Elters de gelege_ ys in der beghine_ kijrke_ va_ Eyk / te behuve des Rectoers van den vorg_ Elter / so we de in der tijt ys . erflijc / en_ vmm_meer alle jaer te talen in der tijt dy vorscreven ys . willichs malders vorg_ / dys vorg_ her vde vytegancge_ es / En_ dys muymber vorg_ in~gegancge_ met alden Recht / dat dor t˚e behoert / in behuyf des Rectoers vorg_ / alle brant liste / en_ verper vytgesceyde_ . Jn getugenis der wareyt al + deser vorg_ vorwarden / so heb weyr Richt_ / en_ scepe_ voerg_ / onsen p_p__en zygel ayn desen tgege_wordghe_ brijf gehancge_ . Gegeven in tjaer ons h_en / du mer screif / Dusent Dri + hondert / + nogen end veyr~tich des vijr / + en_ twintichste daechs in den Loemaent (onleesbaar)