Corpus Van Reenen-Mulder (CRM14): Oorkonde L372p35001

Veyr Richter end schepen der stat van Eyk duyn kont met gruten allen den ghenen dye desen tieghen~wordghen brijf solen zijn of hore_ lesen / dat vor ons komen zijn eersame bescheyden lude Dyderich geheyten molener / bode onser vorg_ stat / En_ Johan pranghe / ingheseten porter tot eyk . En_ heeft ghelijt end bekant dys vorg_ Johan / dat he met sijne_ p_p__en wille verkocht hebbe in gherechter komenscap / ayn eyne_ ond_pant / dat ys te weten / zijn huys met sijne_ tubehore / dat gelegen ys ayn den merct tot eyk tussche_ heynen Meyarts huys va_ eynre zyde_ / en_ johans huys van schenne va_ der and_e zyden . desen vorg_ dyderich . jaerlics tzens / acht / aude grote skoninx m˚ente_ van vrancrike guyt en_ gheve / alle jaer vmm_ / en_ ewelic dye te talen op sunt lambrechs dage / of also voel peyments dor voer / als alle jaer / op den vorg_ tzens~dage dor voer in der stat va_ eyk ghenc en_ geve ys . En_ op~dat dys vor_ dyderich en_ sijne gheerve_ / dys vorg_ tzens te zekere zijn / so heeft dys vorg_ johan dyt vorg_ guyt en_ ond_pant opgedraghe_ in hant dys vorg_ Richters in behuyf dyderichs vorg_ en_ zijnre geerve_ / en_ zich dor af ontguyt en_ onderft / en_ dyderich vorg_ doer en duyn gude_ en_ erve_ met alle den recht / dat dor tu recht / en_ gewuenlec ys in der vorg_ stat / Voertmeer yst vuerwerde weert dat zake des nijt zijn en mute / dat dys vorg_ johan of zijn gheerve_ gebreeclec were_ in talincge_ dys vorg_ tzens / en_ dyderich / sijne_ gheerve_ / of heldere dys brijfs nijt genuech en deden van den vorg_ tzens / op den vorg_ tzens~dage / so mucht dyderich / zijn geerve_ / of held_ dys brijfs dyt vorgen_ guyt en_ ond_pant ervolgen / en_ v_krige_ / en_ hoer hant dor aen slaen met alle den recht / dat dor tu recht en_ ghewuenlec ys in der vorg_ stat / dat te besitten als hoer p_per erve / sond_ wederspreke_ / en_ kalange / johans vorg_ of ymans va_ ziine_ wege_ . Jn getugenis deser vorg_ denchge_ / op~dat zy te vaster / zijn / so heb richt_ en_ scepen vorg_ onsen zygel aen dese_ tieghenwordghen brijf duyn hancghe_ . Gegheve_ in tjaer ons h_en / Dusent / + dri + hondert / + en_ vijftich / des achtende daechs in den Meert - (onleesbaar) -