Corpus Van Reenen-Mulder (CRM14): Oorkonde L372p36401

Wyr Richt_ end Schipen der stat van eyke van b˚ten doen kont end keenlike allen luden met gr˚ten die disen brief Soelen sien of horen lesen om beke_nenis wille der wareyt diser Saken End is te weten dat voer ons v_schinen end Come_ is Ein eersame bescheyden man te weten godart ghenant kleppel met ziine_ tu~name h_en godarts soen van der heertbrugghen deyken in der tijt Tot auden~eyke - End heet bekant dat hey in recht_ Comenscaep v_coght hebbe End om me Scaden daer + mede te verweren te weten drie Swaer gulden eerfliics tzens guet van goude en_ Swaer van ghewichte Alle Jaer vmm_me end ewelike te + betalen Te weten vrancken roefs soen end ziinen g_ven des sondaechs nae Sent lambrechts daghe of alsoe voele payments daer voer als genghe end gheve is dan op den daech Voer wilghen v˚rs_ tzens vrancke v˚rs_ godarde wale end witlike betaelt heet Ein Su_me van gelde der hoem Ende den deyken vurs_ Tot willichs behoef deys v_coupinghe ghesciit is vurs_ wale ov_mits ons ghenuecht heet End vrancken end ziin recht g_ven dan aef quiit ghescoden hebben ov_mits ons . End om vrancken v˚rs_ end ziinen g_ven vol end sekerheyt te doen als van desen eerf~tzens So heet hoem godart vurs_ daer voer Tonderpande ghesat Te weten Ein st˚cke baens of lants So wy dat is in naten end in droghen gheheyten ghen doncbroke En_ is die Selve deylinghe die her rutgher bruyke dae god die ziele aef ontfaen m˚te met reyner bruken ziinen bruder hadde End is aen reyners deylinghe gheleghen Van wilgher deylinghen wyr godart alsoe gheguet hauden dat hey dar af ghen˚ech doen moeght Nae recht end ghewoende der bancke vurs_ alsoe dat zich godart daer aef ontguet end onteerft heet . End vrancken vurs_ daer in doen gueden end eerfven . End al met Content end wille h_en godarts des deykens in der tiit Tot auden~eyke . End dat met al den recht dat daer tu behoerlike was in die vurs_ bancke Jn vughen w_t dat sake des niit en ghesciie dat vrancke_ vurs_ end ziine_ rechten g_ven deys vurs_ tzens op den tzens~daech niit en woerde als vurs_ is Dat dan vrancke v˚rs_ of zi? gerven moghen varen Tot desen onderpande horen wille daer me te doen als met and_en horen p_p__en eerfve sonde? wederspreken godarts vurs_ of des deykens of yemans van hoere weghen . End dat met al den recht dat dar tu recht end ghewoenlike w_e in die vurs_ bancke Voert So iist te wete_ dat vrancke die eerf~we_ninghe hoen wider bekant heet aen dese onderpande Te weten als langhe als hoem of ziine_ eerfven deys tzens wale betaelt woert Alle ergh~liist vyt~ghesceyden in disen saken Jn ghetughenis der wareyt deser saken op~dat zie vast end stedich bliven End wyr egheyne_ p_p__en siigel en hebben So bid w_ Eersame_ luden den Scepene_ van eyke van benne_ dat ziit voer ons besigelen End wyr scepene_ van benne_ eyke om bey~den wille richt_s end scipene_ van b˚ten end der p_tien So hebbe wyr dese vurw_den besigelt Gegh_ in tJaer ons h_en dusent Dri + hond_t viir en + tsestich des achtteendes + daechs in der Sporkellen