Corpus Van Reenen-Mulder (CRM14): Oorkonde L372p36402

Wyr richt_ en_ Schepen der stat van Eyke buten doen kunt met gr˚eten allen lueden die desen brief Solen sien of hore_ lesen dat voer ons v_schenen is Eyn eersame bescheiden man willem der pelser van eyke . Ende heet bekant voer ons dat hey in Eerf~pacht ghenomen heet teghen gherarde van bride ghenant danels soen tot beh˚ef siinre kinder die hoem bleven siin van griten vden doght_ was roesbecks da god die zeel af ont~faen m˚et beheltenis sinre toght dats te weten Ein half b˚enre savel lants lutlof me of men gheleghen aen ghen ghericht t˚sschen arnouts lant kranis En_ die strate die neven dat gherich gheyt . alle jare vmm_me en_ ewelike des jaers om drie vaet rogghen pachts der maeten van eyke g˚ets korns Te + betalen jaerlics in siin of siinre v˚rs_ eerven h˚ys op sent . andriis daghe des apostelen . op anxt en_ kost willems v˚rs_ of Siinre erfnamen van wilghen v˚rs_ lande gher_ v˚rs_ willem v˚rs_ vollinghe en_ ghenuech ghedaen haet en_ in allen formen na den recht en_ ghewoente der bancke v˚rs_ jn aessulg_ v˚ghen w_t dat willem of Siin erfnamen desen pacht niit en + betaelden op ellecken paecht~daech vurs_ En_ in eynghen deyl of in al ghebrecklike w_en . wanne dat gheschide So moghen gher_ v˚rs_ of Siin eerven v˚rs_ varen tot desen onderpande . horen wille dar mede doen als met horen and_en eerve Ende dat met al den recht als daer tu behoerlich is . beheltenisse mallec siins rechts die daer eynich recht t˚ hedden . Alle arghliist wytghescheyden jn ghet˚ghenisse der waerheyt deser saken So bidde wiir den Schepenen van bennen dat Siit voer ons sighelen Ende wir Schepenen van bennen om beden wille richt_s ende Schepene_ van b˚ten v˚rs_ en_ der p_tien So hebbe wir ons_ sighel . . heer aen ghehanghen . Ghegh_ in tJaer ons h_en Dusent Drie + hondert en_ viir + en_ tsestich des sesden daechs in den meye