Corpus Van Reenen-Mulder (CRM14): Oorkonde L372p38101

Wir Richt_ en_ schepen der stat van eyke Doen kont allen luden die des_ brief soelen Sien of horen lesen En_ tughen dat voer ons komen en_ verschenen Js . Johan geheyten trijpart van thoren wittich man en_ mu_b˚r nesen vrancken docht_ was Roefs soens van eyke En_ heeft ghelijt en_ bekant . voer ons dat hey vyt heeft gegheven om eynen erfCens erfliken siin huys en_ hoef met den gronde en_ met alle sinen toebehoer geleghen jn der pelser~straten thusschen heynrix erven welters soens guede en_ johans wenmekers guyt eynen witghen bescheydenen manne gisen heynrix soen was welters soens Jn willich voersc_ guyt johan trijpart voers_ als wittich mu_bur nesen vrancken dochter voers_ komen was met den Recht voer erf~cens den vrancken Roefs erfname_ daer aen geldende hadden Te wete_ om eynen alden scilt erfCens guyt van goude en_ swaer van ghewicht moenten des keysers of des Coninx van vrancrike te betalen alle Jaer erflic vmm_me en_ Ewelic op sent lambrechts daech des heylge_ martelirs Johanne trijparde voersc_ of sinen erfname_ En_ te liev_en alle jaer tot eyke Jn der stat Jn eyn huys waers johan trijpart voers_ of sine erfname_ begherende siin op Cost anxt en_ aventure gysen voer_ of siinre erfname_ En_ so wes dit voers_ huys met den gronde en_ met sine_ toebehoer als voers_ Js beter js dan die voers_ jaerlix Cens erflic dat heeft johan trijpart voers_ gysen voers_ erflic verkocht om eyne su_me van gelde die gyse voersc_ Johanne . trijparde voers_ wael . en_ witliken betaelt heeft En_ om gysen voers_ en_ sinen erfname_ der beterscap sekernis te doen so heeft hoem Johan trijpart voers_ voer ons bekant so wes die voers_ onderpant beter Js . dan der voers_ Cens erflic hoem en_ sine_ erfname_ erflic vmm_me en_ ewelic te besitte te orb_en te notten en_ te vroemen en_ horen wille daer mede te doen als met and_en horen p_p__en erve en_ guede en_ den onderpant voers_ te bet_en en_ nyet te argh_en en_ johanne trijparde voersc_ en_ sine_ erfname_ horen Cens voers_ alle Jaer te betalen als voers_ Js . beheltenis altoes voer alremallic siins Rechts die voer eynich recht aen den voers_ onderpant mucht_ hebben Mar w_t dat zake des nyet siin en m˚yt dat gyse voers_ of sine erfname_ den voers_ Cens nyet alle Jaer altemael . wael en betaelden als voers_ Js . dan mach johan trijpart voers_ of sine erfame_ moeghen hoer hant weder slaen aen den voers_ onderpant met den recht horen wille daer mede doen als met and_en horen p_p__en erve en_ guede sonder Calenciren of wederspreken gysen voers_ siinre erfname_ of yemans van horen weghe_ beheltenis alremallic siins rechts Alle arghlist en_ quade vonde alde en_ n˚e gheystlic en_ werltlic Jn desen zaken vytghesceyden Jn ghetughenis der waerheit so hebben wir schepen voers_ om beden wille beyde der voers_ p_tien ons_ p_p__en zygel . van zaken aen des_ brief gehanghen Jnt jaer der ghebort ons h_en dat men scrijft Dusent drie + hond_t eyn en_ achtentich acht daghe jn den . mey .