Corpus Van Reenen-Mulder (CRM14): Oorkonde L372p38102

Vir Richt_ en_ schepen der stat van eyke Doen kont allen luden die des_ brief soelen Sien of horen lesen En_ tughen dat voer ons kome_ en_ verschenen Js gylijs op den steywech en_ heeft ghelijt en_ bekant voer ons dat hey Jn gueder Recht_ witliker kome_scap verkocht heeft vier alde scilde erfcens moenten des keysers of des Coninxs van vrancrike guyt van goude en_ swaer van horen rechten ghewicht of hoer valoer daer voer Jn and_en gueden gelde te betalen alle Jaer erflic vmm_me en_ ewelic heynric kirlebey van heppenart of sinen rechten erfname_ Jn den heylghen paessche_ daghen Voer wilghen voers_ erfcens heynric voers_ wael en_ witlike betaelt heeft vier en_ viertich gueder alder scilde moenten des keysers of des Coninxs van vrancrike guyt van goude en_ swaer van horen rechten ghewicht of hoer valoer daer voer Jn and_en gueden goude En_ om heynric voers_ en_ sinen erfnamen voer den voers_ erfcens erflic sekernis te doen So heeft gylijs voers_ daer voer te onderpande ghesat siin huys en_ hoef met den gronde en_ met alle sine_ toebehoer dat siins vader was als dat gheleghen Js op der bosschestraten thussschen Johans knyps guyt en_ heylwighe_ guyt philips docht_ En_ gylijs voers_ heeft Sich en_ sine erfname_ ontguyt en_ onterft met den recht en_ heeft heynric voers_ daer Jn doen gueden en_ erven met den recht als voer den voers_ cens erflic Jn voeghen en_ Jn maniren w_t dat zake des nyet ghescien en muyt dat Gylijs voers_ of sine erfname_ den voers_ Cens nyet altemael alle Jaer wael en betaelden als voers_ Js en_ nyet en lieverden alle Jaer tot eyke Jn der stat Jn eyn huys waers heynric voers_ of sine erfnamen begherende w_en op gylijs voers_ of siinre erfname_ Cost Dan mach heynr_ voers_ of sine erfname_ moeghe_ hoer hant slaen aen den voers_ onderpant met den recht horen p_p__en wille daer mede doen als met and_en horen p_p__en erve en_ g˚ede sonder Calencire_ of wederspreke_ gylijs voers_ siinre erfname_ of yemans van horen weghen beheltenis voer alremallic siins rechts Vort so siin kome_ voer ons alle gedelinghe die gylijs gedelinghe siin en_ die tot desen onderpande gehorende siin en_ hebben ghekant dat die voers_ onderpant gylijs voers_ ter deylinghe_ ghevallen sy . en_ hore egheyn nyet daer aen en hebbe als recht en_ ghewoenlic Js . : Vortme Jst vurwarde dat gylijs voers_ gheloeft by den voers_ onderpant als eyn zaecwoude of men vmm_me ghevenden Const dat die onderpant nyet guyt + ghenoech en were voer den voers_ Cens erflic dat dan gylijs voers_ of sine erfname_ den onderpant also verbet_en solen met gueden er˚e dat die voers_ Cens erflic wael veronderpant siin sal . En_ daer Jn . hoefs ghem˚ede doen en_ guede bezygelde brieve ghe˚en altemael op gylijs of siinre erfname_ Cost Alle arghlist en_ quade vonde alde en_ n˚e gheystlic ende werltlic Jn desen zaken vytghesceyden Jn ghetughenis der waerheyt so hebben wir schepen voers_ onse_ p_p__en zygel . van zaken om beden wille beyde der voers_ p_tien aen desen brief gehanghen . Jnt Jaer der ghebort ons h_en dat men scrijft Dusent drie + hond_t eyn en_ achtentich des vierteenden daechs Jn den hoeymaent