Corpus Van Reenen-Mulder (CRM14): Oorkonde L372p39001

VyR Richt_ en_ schepe_ der stat van Eyke Doen kont allen lude_ die des_ brief soelen sien of hore_ lesen En_ tughe_ dat voer ons kome_ en_ verschene_ js meyst_ heynric van solt En_ heeft gheliet en_ bekant voer ons dat hey heeft vytghegeve_ eyn + deyl va_ sine_ g˚ede ghelege_ jn der stat van eyke op die straet jege_ dat guyt van boninge_ Reynende op eyne syde en_ eyn ende aen johans guyt kreefts en_ op die ander sy aen lemkens thijs guyt erflic om eyne_ erfCens te weten om . se˚en alde groet tornose en_ om eyn vierdedeyl . van eyne_ . ertcense Johanne vrancke_ soen wa˚uerneys en_ metten soen her johans docht_ van den broecke jn behoef siins en_ siinre gedelinghe bruders en_ sust_ die vrancke en_ mette te~sa_en hebben jn der tijt of verkrigen moege_ En_ so wes dat voers_ guyt beters dan der voers_ Cens erflic dat heeft meyst_ heynr_c voers_ verkocht johanne voers_ om eyne su_me van gelde der meyster Heynr_ ghenoecht heeft en_ die hoem wael betaelt js En_ meyst_ heynr_ voers_ heft hoem der beterscap van den voerg_ guede so wat beter js dan der voers_ ens voer ons ontguyt en_ onterft met den recht en_ heeft Johan_e voers_ jn orber siins en_ siinre gedelinge voers_ daer jn doen guede_ en_ erve_ met den recht Jn voeghe_ en_ jn manire_ w_t dat zake dat meyst_ heynr_ voers_ of sine_ erfname_ die voers_ seven . alde g_ nyet alle jaer altemael . wael betaelt en woerden des sondaechs . voer alreheylge_ daech . in der stat van eyke jn eynich huys daer meyst_ heynr_ voers_ of sine erfname_ denen Cens ontfaen willen en_ der voers_ ertCens den h_e also als men dene_ ghewoenlic js te betalen dan mach meyst_ heynr_ voers_ of sine erfname_ moege_ hoer hant weder slaen aen dat voers_ g˚yt met den recht hore_ wille daer met doen als met and_en hore_ er˚e en_ g˚ede sonder Cale_cire_ of wederspreke_ johans voers_ of siinre gedelinge voers_ hoere erfname_ of yemans van hore_ wege_ beheltenisse voer alremallic siins rechts vort jst v˚rwarde dat johan voers_ en_ sine gedelinghe of hoer erfname_ moege_ des voers_ Cens twe groet aef~quite_ en_ loessen benne_ . twe jaeren neeste komende na den voers_ Cens~dag_ met den Cense en_ ellike_ groeten met eyne_ sware_ Riinssche_ g˚lden guyt van goude en_ swaer van sine_ rechte_ ghewicht of valoer daer voer jn and_en gueden gelde Alle arghlist en_ qu_de vonde alde en_ n˚e gheystlic en_ werltlic jn desen zake_ vytghesceyde Jn ghetughenisse der waerheyt so hebben wir schepe_ voers_ om beden wille beyde der voers_ partien onsen ghemeyne_ syegel aen desen brief gehange_ Jn den jaer der ghebort ons h_en dat men scrijft d˚sent drye + hond_t en_ noeghentich des and_en daechs na sent zyveriins daech jn october /