Corpus Van Reenen-Mulder (CRM14): Oorkonde L372p39101

Wyr Richt_ en_ schepe_ der stat van eyke Doen kont allen luden die des_ brief soelen Sien of hore_ lesen En_ tughe_ dat voer ons kome_ en_ verschene_ js Alart alarts soen was mylijs soens onse mede~schepe_ jn der tijt En_ heeft gheliet en_ bekant voer ons dat hey jn gued_ Recht_ witliker kome_scap verkocht heeft teyn alde groet erfcens onser lie˚er vro˚we_ bruderscap en_ onser lie˚er vrouwe_ en_ sent Jorijs altaer jn der kirken van eyke gheleghe_ wilghe_ voers_ erfcens alart voers_ erflic geldende hadde op en_ aen den onderpant den deys brief begrijpt daer deys brief doer ghesteken js voer wilghe_ voers_ erfcens die mu_bure_ der voers_ bruderscap en_ des voers_ altaers wael en_ witliken betaelt hebben eyne sum_e van gelde der alarde voers_ wael ghenoecht heeft also dat hey die mu_bure_ die Jn der tijt siin of vmm_me mu_bure_ soelen siin der voers_ bruderscap of des voers_ altaers daer aef quijt ghescouden heeft En_ alart voers_ heeft hoem van den voers_ erfcense voer ons ontguyt en_ onterft met den recht En_ heeft Joh_es danels soen daer Jn doen gueden en_ erve_ met den recht Jn voeghe_ en_ Jn manire_ dat Joh_es voers_ of eynich ander mu_b˚r die jn der tijt mu_b˚r js of vmm_me mu_b˚r siin sal der voers_ bruderscap of des voers_ altaers den voers_ cens heffen mane_ en_ met den recht krieghe_ op en_ aen den onderpant den deys brief begrijpt daer deys brief doer ghesteke_ js ghelikerwijs dat alart voers_ voer mucht hebben ghedaen Jn allen forme_ ende manire_ dat deys brief begrijpt daer deys brief doer ghesteke_ js wilghe_ onderpant van den seven alden g_ n˚ jn der tijt bewonende sin Johan we_meker en_ matheus visiers en_ gelden mallic van hoen vierden halve_ alden g_ En_ die hoefstat van den drye alden g_ n˚ jn der tijt js johans koumans En_ w_t dat zake des nyet siin en m˚yt dat der voers_ Cens nyet alle jaer altemael . wael betaelt noch ghelievert en woerde den mu_bure_ die jn der tijt soelen siin mu_b˚r der voers_ bruderscap of des voers_ altaers op allen t_myne_ dat deys brief begrijpt daer deys brief doer ghesteken js dan moeghe_ die mu_b˚re_ die jn der tijt soelen siin mu_b˚re_ der voers_ bruderscap of des altaers voers_ hoer hant slaen aen den ondeerpant den deys brief begrijpt daer deys brief doer ghesteken js met den recht horen wille daer met doen als met and_en er˚e en_ guede der voers_ bruderscap of des altaers voers_ sonder cale_cire_ of wederspreke_ dye + mans die jn der tijt den voerg_ onderpant besittende js + , beheltenisse voer alremallic siins rechts Alle arghlist en_ quade vonde alde en_ n˚e gheystlic en_ werltlic Jn desen zaken vytghesceyden Jn ghetughenisse der waerheyt so hebben wir schepen voers_ om beden wille beyde der voers_ p_tien onsen ghemeyne_ syegel aen des_ brief doer desen and_en brief ghesteken gehanghen Jn den Jaer der ghebort ons h_en dat men scrijft drye + hond_t . + eyn en_ noeghe_tich vier daghe Jn sporkelle~maent -