Corpus Van Reenen-Mulder (CRM14): Oorkonde L372p39102

Wyr Richt_ en_ schepe_ der stat van eyke Doen kont allen luden die desen brief soelen Sien of horen lesen / En_ tughe_ dat voer ons kome_ en_ verschene_ js gyse gerarts soen was pranghe_ en_ heeft gheliet en_ bekant voer ons dat hey heeft vytghegeve_ om eynen erfCens te om sesse alde g_ tornose eyne hoefstat ghelege_ jn + der stat van eyke thussche_ willam maes guyt en_ die straet daer men tot der alder drencke_ waert gheyt Reyne_de aen die straet by die alde drencke . dideric voegel . erflic om den voers_ Cens . En_ Gyse voers_ heeft hoem van der beterscap voer ons ontguyt en_ onterft met den recht En_ heeft dider_ voers_ daer Jn doen gueden en_ erven met den recht Jn voeghe_ en_ Jn manire_ w_t dat zake des nyet siin en m˚yt dat gysen voers_ of sine_ erfnamen der voers_ Cens nyet alle jaer altemael wael betaelt en woerde op sent lambrechts daech . En_ nyet ghelievert en woerde jn der stat van eyke jn eynich huys . waer gyse voers_ of sine erfname_ denen voers_ cens ontfaen wille_ dan mach gyse voers_ of sine erfnamen moeghe_ hoer hant weder slaen aen hoer voers_ onderpant met den recht hore_ wille daer met doen als met and_en hore_ er˚e en_ g˚ede en_ als sy voer plaghe_ te doen sonder Calencire_ of wederspreke_ dider_ voers_ siinre erfname_ of yemans van hore_ weghe_ of yemans dey jn der tijt den voers_ onderpant besittende w_e beheltenisse voer alremallic siins rechts . Alle arghlist en_ quade vonde alde en_ n˚e gheystlic en_ werltlic Jn desen zake_ vytghesceyden Jn ghetughenisse der waerheyt so hebben wir schepen voers_ om beden wille der voers_ partien van beyden syden onsen ghemeynen syegel . aen desen brief gehanghen Jn den Jaer der ghebort ons h_en dat men scrijft dusent drye + hond_t eyn en_ noeghe_tich . vierteyn daghe Jn sporkel . Et js te weten dat dyder_ voegel heeft erflic aefghequijt aen gysen erfnamen eynen alden g_ van den Sesse alde g_ die deys brief jn~helt En_ gyse heeft jn sinen testament twe alde g_ van voerg_ Sesse g_ besat sent kather_ kircken En_ twe g_ den vycarijs der voers_ kircken En_ eyne_ alden g_ den C˚ster der voerg_ kyrcken Jo_ de Cast_