Corpus Van Reenen-Mulder (CRM14): Oorkonde L372p39201

Wyr Richt_ en_ schepen der stat van eyke doen kont allen luden die des_ brief soelen Sien of horen lesen En_ t˚ghen dat voer ons komen en_ verschenen js lambrechts geheyten becker heynrix soen was lambrechts soens van vt_en En_ heeft gheliet en_ bekant voer ons dat hey jn gueder recht_ witliker komenscap verkocht heeft acht . en_ eyne_ hal˚en gueder le˚kens groet die hey erflic geldende hadde op johans huys ne˚e met den gronde en_ met alle sine_ toebehoer ghelege_ op der bl˚mendriesscher~straten thusschen hermans d˚ven guyt en_ Covelens guyt en_ Reynende acht_ aen arts guyt van den kampe onser vrouwen marien der moeder goets en_ sent joerijs bruderscap en_ altaer ghelegen jn der kerken van eyke voer wilghe_ voers_ erfCens joh_es van briede als mu_b˚r en_ jn behoef des voers_ altaers en_ bruderscap wael en_ witliken betaelt heeft eyne su_me gelts der lambr_ voers_ wael ghenoecht heeft en_ die lambr_ voers_ wael betaelt js . En_ lambr_ voers_ heeft hoem van den voers_ Erfcens . voer ons ontguyt en_ onterft met den recht en_ heeft joh_es van briede voers_ daer jn doen gueden en_ erve_ met den recht jn orber ende jn behoef des voers_ altaers of eyns rectoers der des altaers js of jn der tijt vmm_me ghesiin sal . Jn voeghen en_ jn manire_ w_t dat zake des nyet siin en m˚yt dat der voers_ Cens nyet alle jaer altemael wael betaelt en woerde op sent lambrechts daech noch ghelievert en woerde jn der stat van eyke jn eynich huys waers die brudermeyst_ die jn der tijt soelen siin bruder~meyst_ der voers_ bruderscap en_ des voers_ altaers of eyn rectoer des voers_ altaers begherende siin op cost anxt en_ ave_ture des gheens dey jn der tijt den voers_ onderpant besitte_de w_e dan mach eyn mu_b˚r des voers_ altaers en_ bruderscap of eyn rectoer sine hant slaen aen den voers_ onderpant met den recht sine_ wille orber en_ p_fijt des voers_ altaers en_ bruderscap daer met te doen als met and_en erve en_ guede des voers_ altaers en_ bruderscap en_ als lambr_ voers_ en_ die sine voer muchten hebben ghedaen sonder calencire_ of wederspreken lambr_ voers_ siinre erfname_ of yemans dey den voers_ onderpant jn der tijt besitte_de w_e of yemans van hore_ weghe_ beheltenisse voer alremallic siins rechts Alle arghlist en_ quade vonde alde ende n˚e gheystlic en_ werltlic jn desen zaken vytghesceyden Jn ghetughenisse der waerheyt so hebben wir schepen voers_ om beden wille lambr_ voers_ en_ joh_es van briede de mu_bur js jn der tijt des voers_ altaers en_ bruderscap onsen ghemeynen syegel aen desen brief ghehanghen Jn den jaer der ghebort ons h_en dat men scrijft dusent drye + hond_t twe en_ noeghentich twintich daghe jn den meert / -