Corpus Van Reenen-Mulder (CRM14): Oorkonde L372p39301

Wyr Richt_ en_ schepen der stat van eyke Doen kont allen luden die dese_ brief solen Sien of horen lesen En_ tughe_ dat voer ons komen en_ verschene_ js . gyse wiinkens soen van g_melsloe . wittich mu_b˚r jn der tijt mechtilden vryckens docht_ was en_ heeft gheliet en_ bekant voer ons dat hey jn gueder recht_ witliker kome_scap ver~kocht heeft heynen gelrema_ne van gheyss_en : achteyn alde . groet tornose moente_ des Coninx van vrancrike of valoer daer voer jn and_en peyment ErfCens die hey erflic geldende hadde op en_ aen husinghe en_ hoefreysinghe . met den gronde die voerentijts gherarts snaden gheweest was gheleghe_ jn der pelsserstraten Reynende tusschen johans mette_ soens guyt n˚ jn der tijt js En_ des abts guyt van Ev_boede n˚ jn der tijt js dat ouch gerarts snaden sch˚re gheweest was En_ acht_ Reynende aen johans koumans guyt en_ mechtilden des vos guyt wilghe achteyn alde _ ErfCens voers_ vorentijts gheweest siin vrancken roef soens des erfname dat mechtilt voers_ js Voer wilghe_ voers_ erfcens heynr_ gelreman voers_ wael en_ witliken betaelt heeft Eyne su_me van gelde der gysen voers_ wael ghenoecht heeft En_ gyse voers_ als wittich mu_b˚r mechtilde_ voers_ heeft hoem van den voers_ erfcense voer ons ontguyt en_ onterft met den recht En_ heeft heyne_ gelreman voers_ daer jn doen gueden en_ erve_ met den recht jn voeghe_ en_ jn manire_ w_t dat zake dat heyne_ gelremanne voers_ of sine_ erfname_ der voers_ Cens nyet alle jaer altemael . wael betaelt en woerde te paesschen noch nyet ghelievert en woerde Jn allen forme_ vurwarde_ en_ manire_ dat deys brief begrijpt daer deys brief doer ghesteken js . So . mach heynr_ gelreman voers_ of sine erfname_ moeghe_ hoer hant slaen aen den voers_ onderpant met den recht hore_ wille daer met doen als met and_en hore_ er˚e en_ guede sonder Calencire_ of wederspreken yemans die den voers_ onderpant jn der tijt besittende w_en also als gyse voers_ of vrancken roefsoens erfname_ voer m˚chten hebben ghedaen jn allen vurwarden dat deys brief begrijpt daer deys brief doer ghesteken js beheltenisse voer alremallic siins rechts En_ js ouch komen voer ons Aleyt vryckens mechtilde_ voers_ moeder en_ js hore tocht van den voers_ erfcense vytghegaen En_ heeft gheswore_ op den heylge_ nu_merme om egheynre noetzaken wille na eynghe tocht aen den voers_ Erfcense te vorderen Alle arghelist en_ quade vonde alde en_ nuwe jn desen zaken vytghesceyden Jn ghetughenisse der waerheyt want wir schepen voers_ tughen dat alle zaken voer ons kome_ en_ ghesciet siin als voers_ js so hebben wir om beden wille der voers_ partien van beyden syden onsen ghemeynen syegel aen desen brief doer desen and_en brief ghesteken gehanghen jn den jaer der ghebort ons h_en dat men scrijft Dusent drye + hond_t noeghe_tich en_ drye . vijfteyn daghe jn julio den men heyt hoeymaent : -