Corpus Van Reenen-Mulder (CRM14): Oorkonde L372p39302

Wyr Richt_ en_ schepen der stat van eyke Doen kont allen luden die des_ brief soelen Sien of hore_ lesen En_ tughe_ dat voer ons kome_ en_ verschene_ js noude mathijs van tong_loe En_ heeft gheliet en_ bekant voer ons dat hey jn gueder recht_ witliker kome_scap verkocht heeft . twelf . alde groet tornose die hey erflic geldende heeft op en_ ? eyne_ onderpant die gobbels sneparts gheweest was gheleghe_ by des greve_ huys willich voers_ erfCens mechtilden nouden wi˚e ble˚en js van vrancken roefs soene / van wilghe_ voers_ onderpande n˚ jn der tijt eyn + deyl besittende js johan praet die gheleghe_ js neeste des greve_ huys aen der stat m˚re_ Reynende aen Coelhouwers erfname_ guyt en_ aen ylias neve_ guyt En_ johan praet gilt van den voers_ Cense Seven alde groet En_ der ander onderpant van den andere_ . vijf . alden groeten js gheleghen op die ander syde van der straten jeghe_ Coelhouwers erfname_ guyt over / tusschen gerarts kircke~hoefs guyt en_ der erfname_ van den waude des n˚ jn der tijt besittende siin eyn deyl heyne d˚me En_ eyn deyl michgiel trijpens en_ eyn deyl gerart lauwart Voer wilghen voers_ erfCens joh_es van briede en_ gyse hase wael en_ witlike betaelt hebben jn . orber en_ jn behoef onser lie˚er vrouwe_ marien der moeder goets broederscap van eyke eyne su_me van gelde der nouden voers_ wael ghenoecht heeft En_ noude voers_ heeft hoem van den voers_ Cense erflic ontguyt en_ onterft met den Recht En_ heeft joh_es van briede voers_ daer jn doen gueden en_ erve_ erflic met den recht als mu_b˚r en_ broedermeyst_ en_ jn behoef der voers_ broederscap Jn voeghe_ en_ jn manire_ w_t dat zake dat der voersc_ Cens nyet alle jaer altemael . wael . betaelt noch ghelievert en woerde jn der stat van eyke den mu_bure_ en_ broedermeystere_ die jn der tijt soelen siin mu_b˚r en_ meyst_ der voers_ broederscap op sent lambrechts daech des heylghe_ bysscops en_ martelirs jn eynich huys waers die mu_bure_ en_ broeder~meyst_ die jn der tijt soelen siin der voers_ broederscap begherende siin dan moeghe_ die mu_bure_ en_ broedermeyst_ die jn der tijt soelen siin mu_b˚r en_ broedermeyst_ der voers_ broederscap hoer hant slaen aen den voers_ onderpant met den recht hore_ wille daer met doen als met andere_ erve en_ g˚ede der voers_ broederscap en_ jn orber en_ jn behoef der broederscap voers_ als noude voers_ voer mucht hebben ghedaen sonder Calencire_ of wederspreken yemans die jn der tijt eynich van den voers_ onderpant besittende w_e beheltenisse altoes voer alremallic siins rechts Alle arghelist en_ quade vonde alde en_ n˚we gheystlic en_ werltlic jn desen zaken vytghesceyden Jn ghetughenisse der waerheyt so hebbe_ wir schepen voers_ om beden wille der voers_ broeder~meyst_ joha_es en_ gysen voers_ En_ nouden voers_ onsen ghemeynen syegel aen desen brief ghehanghen Jn den jaer der ghebort ons h_en dat men scrijft Dusent drye + hond_t noeghentich en_ drye . twelf . daghe jn october