Corpus Van Reenen-Mulder (CRM14): Oorkonde L372p39501

Wyr Richt_ en_ schepen der stat van eyke Doen kont allen luden die des_ brief soelen Sien of horen lesen En_ tughe_ dat voer ons komen en_ verschene_ js . johan van der leymculen En_ heeft gheliet en_ bekant voer ons dat hey jn gueder Recht_ witliker kome_scap verkocht heeft . vijfteyn alde groet tornose . ErfCens die hey erflic geldende hadde . op en_ aen johans huys en_ hoef van vt_en met sine_ toebehoer also als dat gheleghe_ js op die eyker~straet op den orde van der Pelser~straeten en_ aen pet_ baex wijfs g˚ede johanne den walen en_ nesen Coels sine_ wittighe_ wi˚e of hore_ erfname_ En_ et js v˚rwarde tussche_ johanne en_ nesen so willich van hoen dat leste leefde die sal den voers_ altemael heffen en_ sine_ wille daer met doen sonder Calencire_ of wederspreken hore eynichs erfname_ en_ na doet hore beyder dan soelen hore beyder erfname_ den voers_ Cens erflic ghelike deylen als Sust_ en_ broeder mallic half / mar et js vurwarde w_t dat zake dat johan of nese voers_ willich van hoen dat leste leefde te doen hedde des hoem noet dede die mach den voers_ Cens erflic verkoupe_ en_ sine_ wille doen met den p_ncipael gelde sine noet te stoppen sonder Calencire_ of wederspreke_ van hore eynichts erfname_ Voer wilge_ voers_ erfcens johan en_ nese voers_ / wael en_ witliken betaelt hebben eyne su_me van gelde derre johanne van der leymculen voers_ wael ghenoecht heeft En_ johan van der leymcule_ voers_ heeft hoem van den voers_ erfCense erflic voer ons ontguyt en_ onterft met den recht En_ heeft johanne den walen voers_ daer jn doen gueden en_ erve_ met den recht jn voeghe_ en_ jn manire_ w_t dat zake dat der voers_ Cens nyet alle jaer altemael wael betaelt en woerde op sent lambrechts daech johanne den wael of nesen voers_ of hoer erfname_ jn allen vurwarde_ dat voers_ js jn der stat van eyke jn eynich huys waer johanne der wael of nese voers_ of hoer erfneme_ willen dan mach johan der wael of nese voers_ of hoer erfname_ moeghe_ hoer hant slaen aen den voers_ onderpant met den recht ghelikerwijs als johan van der leymculen voers_ mucht hebben ghedaen sonder Calencire_ of wederspreken yemans die jn der tijt den onderpant voers_ besittende w_e beheltenisse voer alremallic siins rechts Alle arghelist en_ quade vonde alde en_ nuwe gheystlic en_ werltlic jn desen zaken vytghesceyden Jn ghetughenisse der waerheyt so hebben wir scepen voers_ om beden wille johans des walen en_ johans van der leymculen voers_ onsen ghemeynen syegel aen desen brief gehanghen Jn den jaer der ghebort ons h_en daer men scrijft dusent drye + hond_t noeghe_tich en_ vy˚e twintich daghe jn den braemaent : -