Corpus Van Reenen-Mulder (CRM14): Oorkonde L372p39601

Wyr Richt_ en_ schepen der stat van eyke Doen kont allen luden die desen brief soelen Sien of hore_ lesen En_ tughe_ dat voer ons kome_ en_ verschene_ js heynric symons soen . En_ heeft gheliet en_ bekant voer ons dat hey jn gueder recht_ witliker kome_scap verkocht heeft . teyn . alde groet tornose erfCens te betalen alle jaer den mu_b˚re_ en_ broedermeyst_en onser liever vrouwe_ broederscap van eyke op sent lambrechts daech des heylghen bysscops jn der stat van eyke jn eynich huys waers die mu_bure_ en_ broedermeyst_ der voers_ broederscap die jn der tijt soelen siin beghere_de siin op Heynr_ voers_ of siinre erfname_ Cost Voer wilghe_ voers_ erfCens joh_es van briede en_ gyse hase wael en_ witlike_ betaelt hebbe_ jn orber en_ jn behoef der broederscap voers_ . Voer elken . alden . _ erfCens seve_~teyn alde _ jn also sulgher peyen als des h_en Rentmeyst_ en_ die stat van eyke en_ ander lude jn der tijt heffen voer alde _ van Cense bynnen der stat van eyke En_ om den voers_ Cens erflic te veronderpande_ so heeft heynr_ voers_ daer voer tot onderpande ghesat . vier guede swaer Riinsche gulde_ ErfCens die hey erflic geldende heeft op en_ aen eyne_ huys met den gronde en_ met sine_ toebehoer dat gheleghen js . tot eyke aen den mercde_ op den orde van der bosche~straten aen tylmans gobbelen soens huys en_ aen gobbelen huys van thore_ En_ ouch aen eyne hoefstat ghelege_ by die bossche~porten aen der stat m˚re_ tussche_ wilhems guyt van den putte en_ goetscalx des olisleghers guyt Van wilghe_ voers_ . vier Riinsche_ gulden erfCens heynr_ voers_ heeft hoem voer ons Richt_ en_ schepen voers_ ontguyt en_ onterft met den recht En_ heeft joh_es voers_ daer jn doen gueden en_ erven met den recht jn orber en_ jn behoef onser vrouwe_ broederscap . voers_ als voer die teyn alde _ Cens erflic Jn voeghe_ en_ jn manire_ . w_t dat zake dat die . teyn alde _ nyet alle jaer altemael . wael betaelt en woerde_ als voers_ js dan moeghe_ die broedermeyst_ die jn der tijt soelen siin mu_bure_ en_ broedermeyst_ der voers_ broederscap hoer hant slaen met den recht aen die voers_ . vier Riinsche gulde_ . erfCens hore_ wille daer met doen als met andere_ er˚e en_ guede . onser lie˚er vrouwe_ broederscap voers_ sonder Calencire_ of wederspreken heynr_ voers_ siinre erfname_ of yemans van horen weghen beheltenisse voer alremallic siins rechts Alle arghelist en_ quade vonde alde en_ nuwe gheystlic en_ werltlic jn desen zaken vytghesceyden Jn ghetughenisse der waerheyt so hebben wir schepen voers_ om beden wille . heynr_ symons en_ joh_es en_ gysen der broedermeyst_ voers_ onsen ghemeyne_ syegel aen desen brief gehanghen jn den jaer der ghebort ons h_en dat men scrijft dusent drye + hond_t noeghentich en_ Sesse . des anderen daechs jn september :