Corpus Van Reenen-Mulder (CRM14): Oorkonde L372p39801

Wyr Richt_ en_ schepen der stat van eyke Doen kont allen luden die dese_ brief soelen Sien of horen lesen / En_ tughe_ dat voer ons kome_ en_ verschenen js heynric gelreman van gheyssere_ En_ heeft gheliet en_ bekant voer ons dat hey jn gueder Recht_ witliker komenscap verkocht heeft johannes van briede en_ gysen den hasen als mu_b˚ren en_ broedermeystere_ onser liever vrouwe_ marien der moeder goets en_ des gueden sent jorijs broederscap van eyke en_ jn behoef der voerg_ broederscap Erflic . achteyn . alde groet erfCens die hey erflic geldende heeft op en_ aen huesinghe en_ hoefreysinghe met den gronde en_ met allen horen toebehoer die vorentijts gheweest was gerarts snaden ghelege_ jn der pelser~straten tussche_ johans metten soens guyt n˚ jn der tijt js En_ des abts en_ des goetshuys guyt van Ev_boede n˚ jn der tijt js dat ouch gerarts snade_ gheweest was en_ achter reynende aen johans koumans guyt en_ mechtilden des vos guyt wilghe achteyn alde _ ErfCens voers_ heynric voers_ ghekreghe_ en_ ghekocht heeft Erflic jeghen vrancken roefs erfname_ Voer wilghen voers_ erfCens joh_es en_ gyse voers_ jn orber en_ behoef der voers_ broederscap wael en_ witliken betaelt hebben eyne su_me van gelde derre heynr_ gelreman voers_ wael ghenoecht heeft / En_ heynr_ gelrema_ voers_ heeft hoem van den voers_ erfCense ontguyt en_ onterft met den recht En_ heeft joh_es van briede voers_ jn orber en_ jn behoeft derre voers_ broederscap daer jn doen gueden en_ erven met den recht Jn voeghen en_ jn manire_ w_t dat zake dat den mu_buren of broedermeyst_en der voers_ broed_scap die jn der tijt siin of vmmerme soelen siin der voers_ Cens nyet alle jaer altemael wael betaelt en woerde te paesschen dan moeghen die mu_bure_ of broedermeyst_ die jn der tijt soelen Siin der voers_ broederscap hoer hant slaen aen den voers_ onderpant met den recht horen . wille daer met doen als met andere_ er˚e en_ guede . der voers_ broederscap sonder Calenciren of wederspreken yemans die jn der tijt eynich van den voers_ onderpande besittende were . beheltenisse voer alremallic siins rechts Alle arghelist en_ quade vonde alde en_ nuwe gheystlic en_ werlc jn desen zaken vytghesceyden Jn ghetughenisse der waerheyt so hebben wir schepen voers_ om beden wille heynr_ gelremans En_ joh_es en_ gysen der voers_ broedermeyst_ onsen ghemeyne_ . syegel . aen desen brief gehanghen Jn den jaer der ghebort ons here_ dat men scrijft dusent drye + hond_t noeghentich en_ . + acht . vier . daghe jn den meert : -