Corpus Van Reenen-Mulder (CRM14): Oorkonde L420p39301

Allen luden en_ en ygeliken / die desen brief solen sien of hore_ lesen Wij Alijt va_ surpele . bij der g_cien goeds . Abdisse / En_ Tcovint va_ synte Marie_dale bij Rottym Saluyt met devote_ ghebeede tot onse_ h_e / want / wij jeghen Machiele verkkateline_ van beetse bec_ghen hebben . jaerlik_ en_ eerflik_ rijnte_ drie tsijs gulden_ te wete_ alsulke / als de viere iij oude scilde make_de sijn / allen jare ten sek_en tarmine . te heffen / op / aen sek_e goede Machiels vors_ te wete_ huys en_ hof en_ twe boenre lants luttel min of meer ligghende in deyghen va_ beetse op de Roere tusschen eerflicheyt Reyners van lijfkenrode / en_ otten waghema_s va_ beetse va_ beyde de_ zide_ / welke goede dat hij Machiel daer voere te ond_pande gheseetht heeft vo_e Meyer en_ scepen_ tshoefs jans va_ scoenhoven_ ghelegen te beetse / daer die vors_ goede cijslec af rure_de sijn / en_ jan herma_s va_ onse_ wege_ in ghegoet es En_ want Dyne swerts / in dien coep vijftyene hollansche gulden_ te holpe_ leeghde met te betalene Soe eest . dat wij . . Abdisse en_ Covint vors_ d_ vors_ Dyne_ daer voere kynnen / aen onse vors_ rijnte jaerlijx / alsoe langhe alsij dyne leven zal en_ niet lang_e ene_ hollansche_ . gulden_ te heffene / Den welken holla_schen gulden_ vors_ dat wij . . Abdisse en_ Covint vors_ / allen jare / als wij onse vors_ . drie gulden_ eerftsijs ghehaven solen hebbe_ / daer vyt . haere dynen vors_ haer leefdage lanch en_ niet lang_e / betalen solen / en_ ghelove_ te betalene sond_ arghlijst daer jeghen te soekene jn orconscap des_ l_ren / die wij Abdisse en_ Covi_t vors_ / daer af . d_ vors_ dyne_ / ghegheve_ hebben / besegelt met onsen seghelen besegelt / En_ es der guldach d_ vors_ drie guld_ eerftsijs te keersmisse of op synte sthevens dach allen jare Ghegeve_ jnt jaer ons h_en Dusent drie + hondert / + Drie en_ Neghentich Julio des . xx daeghs