Corpus Van Reenen-Mulder (CRM14): Oorkonde L432p36701

Wyr Richter end scepen der stat van zust_en doen kont allen l˚den dye desen bryef solen syen of horen lesen . Dat v˚r ons komen ys Gertrudt kymelts myt willen didden scelarts hoers soents . end katherinen hoere dochter end becande openboere Dat sy teyrfceyse ghegheuen hedde Heynen prelken end sijnen gherven eyne hoystat mytter h˚ysinghen in leinghden end in breyden als sy gheleghen ys in die vryheyt van zust_en . aen der gracht tuschen jonfrouen boetsen h˚ys was van den booycke end Rijken huys buntmekers . om teene aude groet tornose der moentten des konyncs van vrancrijke jaerlics end eyrflics cey? alle jaer alinclic te betalen op sunt andreys daech des heilghen apostole_ End om tve Capune alle jaer op sunt steffoyns daech in den korsheilghen daeghen gheleghe_ . te betalen den gronth_e doe wet aue haudende ys van ceysliken recht End om temere seyckernis der betalinghen des vurs_ ceyes . Gertruden v˚rs_ of hore_ gherven en_ noekoemlinghen Soe heyt die selue Gertrudt v˚rs_ behalden in hoer hant al volinghe van hoyve en_ van h_e des vurs_ eyrfs en_ guyts jn alsulgher vurwarden . oft saycke were dat heyne vurs_ of sijn gherven versuymlic were_ in der betalinghen des vurs_ ceyes in eyn teyl of in altemoel end dene_ v˚rs_ ceys alinclic nyet en betaelden . opte_ dach als v˚rscr_ ys . Soe maech Gertrudt v˚rs_ of hoer gherven en_ noekoemlinghe des and_en daeghes noe sunt andreys dach . hoer hant sloen an die v˚rs_ hoystat myt hoere t˚ebehoyringhen en_ doe mede doen en_ loeten ghelijclic hoeren p_p__en erve sonder ymans weder~spreken . beheiltenis den leynh_e sijns rechts . alle erglijst vyt~ghesceyden in desen v˚rs_ v˚rwarden jn ghet˚ghenys der woyrheit soe heb wir onsen ghemeynen scepen~sygel om beden wille doen hanghen an desen tgheghew˚rghe_ bryef Ghegheue_ jnt jaer ons h_en dusent drie + h˚ndert seuen en_ sestich des seysden daghes in den Meert