Corpus Van Reenen-Mulder (CRM14): Oorkonde L432p38401

. . Wir . . Right_ . . en_ scepen_ van s˚st_en doen kont allen luede_ . . Dat voer Ons is kome_ Heinric Craegh / geheite_ heesken / en_ haet bekant dat hee sc˚ldich sij erflic / h_en Godarde van Eght / jn vrber / en_ tot behoef des altoers Onser vrouwe_ / en_ sint Geordi_ jn den monster van s˚st_en gelege_ . . Twintich alde groet tornose / monte_ des Coninxs van francrike g˚et van siluer / genge en_ geue / erfliker jaergulde_ . . h_en godarde voerg_ / of R_tore des altoers voerg_ alle jare te + betalen op sint Geordius daeghe . jn den aprille / en_ te lyu_en binne_ s˚st_en stette vrie / beede vrie / los en_ quijt van allen aensproeke / op kost heinrichs voerg_ en_ sijnre erfname_ . . Ende o_me eyne meere sikerheit derre betalinge_ / soe haet heinric voerg_ tonderpande gesat h_en . . godarde voerg_ jn behoef des altoers voerg_ . Drie vreghte_ lants gelege_ jn Diterre velde aen gin scoerbroeke . bij lande der mo_nich van sint joest / en_ merkens lande was / voert eyn half boenre lants gelege_ opten velde voerg_ nae daer bij op haddenroet / bij lande der mo_nich van hocht / en_ gerarts clepers / en_ voert eyn half boenre lants / gelege_ jn den selue_ velde / bij den hagen~doren / en_ bij lande der mo_nich van sint joest / jn s˚lg_ manire_ / weert sake dat heinric voerg_ of sijne erfname_ gebreiclic weere_ jn der betalinge_ dis voerg_ erf~Cins / en_ jaerg˚lde_ / jn eyne_ deyle / of jn altemoele opten t_mijn / en_ ter steede voerg_ soe maegh h_e godart / of R_tore des altoers voerg_ des and_en daeghs nae sint Geordi_ daeghe voerg_ / of daer tenden soe wanne sij willen / hoere hant slaen aen alle dit voerg_ onderpant en_ des gebr˚eken / n˚tten / en_ vroeme_ / en_ daer mit doen als mit p_p__en erue des altoers voerg_ / sonder eynge wider~tale / beheltenis / mallic / en_ sonderlinge_ Onsen h_e . . en_ der vrieheit hoers Reghts . en_ hoere scettinge_ aen den erue voerg_ / oft vervile / as dat gewoenlic / en_ Reght is / Voert soe moege_ heinric voerg_ en_ sijne erfname_ dise voerg_ erfiaerg˚lde . aef~loessen / en_ quite_ / soe wanne sij willen . binne_ sesse jare_ neest volgende / nae gicht dis briefs / mit Sestein g˚lde_ / g˚lden g˚et van goude / en_ swoer van gewicht / en_ mit vier alden groete_ tornose der monte_ voerg_ en_ mit eynre jaergulde_ voerg_ . . alle arglist vit~gesceiden . . jn get˚genis der wareit hebbe wir Onse sigel o_me beede_ wille van beiden p_tien / aen disen brief gehange_ . . Gegeue_ jnt jare Ons h_en . . D˚sent . + Drie + hondert . + Achtentich en_ vijr / op sint Geordi_ daeghe . .