Corpus Van Reenen-Mulder (CRM14): Oorkonde L501r39701

@ @ Alle den ghenen die dezen brief zellen zien of horen lezen doe ic verstaen aernt van lunenborch @ rechter in ouerlangbroec van des doemproefsts weghen van vtrecht dat voer mi en_ voer die lantghenoten en_ buere die hier na bescreuen staen quamen jnt gherechte henric de witte johan de witte en_ joncfrou Elborch hoer zuster Ende begheerden eens oerdels of die helfte van twalef morghen lants alzo @ alze gheleghen ziin in + den gherechte voerscreuen daer hughe vuystinc die weder~helfte onder~deelt @ of toebehoert daer die heer van abcoude naest ghelant is aen die ouer~zide en_ Otte gherijds @ zoen aen die neder~zide alzo vry en_ alzo los hoer ware_ dat zi die mochten verzetten verzellen @ ende den vryen eyghendom of~gheuen dien zi wouden Ende hem wart ghewiist mit rechte ende @ mit oerdele dat siit wel doen mochten ende dat die ghifte mit rechte stadicheyt hebben zel @ Ende aldaer zo gauen henric de witte en_ johan de witte voerscreuen mit hoers selfs hande @ en_ joncfrou Elborch voerzeyt gaf mit henrics witten hant hoers broeders vorghenoemt @ ende hoers gheboren mombaers der kerken van buerkerke tutrecht den vryen eyghendom @ van + der helfte van + den twalef morghen lants voerscreuen Ende verteghen daer of tot der @ kerken behoef van buerkerke vorghenoemt alze recht en_ oerdele wiisde dat zi sculdich @ waren te + doen endet mitten rechte stadicheyt hebben zel hier waren ouer en_ ane daer dit @ ghesciede henric van lochorst en_ Claes goden zoen lantghenoten en_ buere in + den gherechte @ voerscreuen en_ anders veel goeder lude Ende op~dat dit vaste en_ stade bliue zo hebben wi aernt van lunenborch rechter henric van lochorst ende Claes goden zoen vorghenoemde onze zeghelle aen dezen brief ghedaen tenen orconde ghegheuen jnt jaer ons here_ @ duzent dre + hondert zeuen en_ tneghentich des dinxdaghes na zinte johans dach te + midde~zo-mer