Corpus Van Reenen-Mulder (CRM14): Oorkonde L530r36901

@ @ Ich arnt mensen soen end margareta mijn echte wijf mid ors monbar + hant . alse recht sacwalden . doen kunt allen luden mit desen opene breue . dat wj vercocht hebben in ? rechten @ steden erfcoepe . h_en euerde van heker eynen prijster . kirch_e der kirken van keppel . onse maet gheheyten de spaelthorst mit alle oren to~behoren alse de vorscr_ maet gheleghen @ is in den kerspel van angerlo tuschen boudewijns maet / end den hogen byuanc . vor eyn tijnsg˚et jarlix to vertynsen op sente martens dach in den wijnt_ an den Commend˚er @ van dyd_en mit eynen aelden brabanschen . end omme eyne summe van penningen de ons her euert vorg_n____ to goder tijt wale betalt heft . Voert heb wj op dese vorscr_ @ maet vertegen . end op al recht dat wj dar ane hedden . alse ons ordel end recht wisede Dat wj mit rechte solden . alse to behoef h_en euerdes van heker vorscr_ . end hebben @ on dese vorscr_ maet ghelauet to waren jaer end dach vor alle den ghenen de des ten rechte willen komen . end allen vorko_mer of to doen . hir vor hebben ghelauet mit ghesa-meder + hant alse gode warborgen . euert clinke . gherart negel . end henric rouetassche . were dat her euert van heker bynnen jaer end dach enich ghebrech doghede . oft @ ansprake van deser vorscr_ maet . alse van arnt mensen soens wegen . end margareten sins wyues vorg_n____ . so sole wj vorscr_ borgen jn komen doseborch in eyne eersom herberge @ de ons van h_en euerde van heker gewiset wort . ons seluen an den werde to winnen . end ons seluen van den werde to quiten . dar to leysten dar nyech van hin to scheyden . wj en hebben @ h_en euerde vorscr_ . alinch van allen kommer end ghebrech ontheffet dat he dar van ghedoget heft . st˚rue oech der borgen enich hir en~binnen . dat got verbiede men sal h_en @ euerde vorscr_ eynen goden gheliken borge weder setten in des doden stat to sinre ? . onder pene der leystingen vorscr_ . we haelder is des brefs mit wille h_en euerdes @ van heker . de is maenre alle deser vorscr_ vorwarden in allen maniren alse vorscreuen is . al argelist in allen p˚nten vt~ghesat . jn orku_de des heb ich arnt mensen soen vorg_n_____ sacwalt mijn @ zegel vor my . end vor margareten mijn wijf vorg_n____ an desen opene brijf ghehangen . end ich margareta arnt mensen soens wijf vorscr_ . verlie alle dese vorscr_ vorwarden stede @ end vaste to haelden onder zegel arnt mensens soens mijns echten mannes . end wj vorg_n_____ borgen . om der mere vestnisse al deser vorscreuen vorwarden . so heb wj onse zegele mede @ mit zegele arnt mensen soens des vorg_n______ sacwalden an desen brijf ghehangen . jnt jar ons h_en dusent + . dre + hondart + . negen end tsestijch op sente . seuerinus dach .