Corpus Van Reenen-Mulder (CRM14): Oorkonde L530r36902

@ @ Jc willam lansinc to der tijt en ghesworen drosate in + der graefscap van sutphen / eens Edelen heren des hertoghen @ van Gelren / ende des greuen van sutphen / make kunt allen luden myt dessen apenen bryeue / dat vor my ghecomen sijn daer ic to gherichte sat / arnolt mensen soene / en_ margriete sijn Echte wijf myt oren ghecoren vor-munder / en_ hebben vor my verliet alse vor en setenen richter / dat sy vercoft hebben / heren Euerde van hek_e @ kijrch_e van keppel / een stucke landes dat gheheyten is dye spalthorst / gheleghen in + den kerspel van angerlo tus-schen den hoghen byvanghe en_ boudewijns maet in enen rechten erfcoep myt al sinen to~behore alse dat tussche_ @ den tween stucke landes vorghenom_ gheleghen is / vor een erf~tins~guet / jaerlikes @ to vertinsen myt enen @ a&esuper;lden brabans vp sante martins dach dye naest comet vor mydwijnter oft myt vijr cleynen penninghen an den con-meldeur in + den hof to dyderen / ende arent ende margriete myt oren ghecoren vormunder hebben verteghen @ vp dye vorghenomede erfnisse myt oren moet~willen myt ordele ende myt rechte / ende myt allen rechte dat @ recht is / also dat sij / noch ore erfnamen negheens rechtes voertmer hebben an + der vorghenomeder erfnisse to @ wachten / hijr weren an / en_ aver gherichtes~lude / Roelf ten loe / ende henric Rouetassche / en_ anders vele gueder @ lude alse Ecbert van broechusen gheret negel en_ Riqijn dye budelmaker Regelande soene / jn een tu&esuper;ch der waerheyt / ende went ic mijn orcunde hijr vp ontfanghen hebbe so heb ic mijn segel an dessen bryef ghehanghen / Ghegheuen jnt jaer ons h_en gods / dusent + / drye + hondert + / neghen + / ende tsestich vp sante seuerinus dach eens hey-lighen bysscops . . .