Corpus Van Reenen-Mulder (CRM14): Oorkonde L534r34201

Al die ghene die desen brief zien oft hore_ lesen . Do ich cont Jngherim ter cule dat ich oft miin Erfnam b˚n sculdich . . Telen van + de_ hamme of die haelder des briues is z˚uen ende twintegheste halue march brabanscher pe_ninghe ghelt dat ghenghe vnd gheue si ende ghelaue hem die te + betalen viertiennacht vor medewinter naestcomende auer eyn jaer commerloys dat vorsprakene ghelt toe dyedem toe andworden daer voer heb ich toe b˚rge_ ghesat . Clawise van Camphusen . jacob tenden velt . Gerarde de_ meyer . Gesen gisekens zone / wolter ter ziich / ende arnde de_ meyer ende hebbe_ ghelauet mid ghesamender hant / weer dat sake alst quame toe desen vorghen_ daghe dat ich jngherim oft miin Erfnam zakewoude vorgh_ des gheldes niet en h?dden zo selde wi Tele vorgh_ oft die haelder des briues is gheue_ ghode pande die hi (-) vnde v˚ren mochte daer hi oft die haelder des briues is zien ghelt vp winne_ mochte . ten j˚eden van Cauwe + (-) of zeluer daer af mach neme_ j˚den cost oft Cauwer + (-) wan dat quame toe desen vorgh_ daghe dat Tele vorgh_ oft die haelder des briues is niet were betalet mid ghelde oft mid pande als vorsprak_ is / zo mochte Tele vorg_ oft die haelder des briues is die b˚rge_ vorgh_ mane_ in eyn herbergh toe dyedem toe leysten als si daer ghelegen hebben viertiennacht si leysten oft si en leysten niet + : viertiennacht na + der maninghe zo mach Tele vorg_ oft die haelder des briues is dat ghelt winne_ ten j˚eden ten Cauwer + (-) oft dar af zeluer neme_ j˚den Cost oft Cauwer + (-) daer na auer eyne maent zo s˚len die b˚rghe_ vorgh_ betalen beyde houetstoel ende scade bi v˚re trouwe_ . weer dat der b˚rghe_ enich storue binne_ deser tijt dat god verbiede_ moete zo mocht Tele vorg_ oft die haelder des briues is mane_ die andere b˚rge_ in eyn herb_gh toe dyedem toe leysten daer niet vit te come_ si + en hebbe_ eyne_ and_en b˚rghe ghelike goet in sine stat ghesat bi v˚re trouwe_ / Ende ich jngherim ter cule zakewoud oft miin Erfna_ vorgh_ haelde_ die b˚rge_ vorgh_ scadeloys mid desen thiege_~wordige_ briue . Ende v˚m die mere sekerheyt ende vestenisse des briues so heb ich jngherim zakewoud . Tele van den hamme haelder des briues / ende wi b˚rge_ . Clawis van Camphuse_ . jacob ten~de_ velt Gerard die meyer / Gese_ ghesekens zone / wolter ter ziich / ende arnd die meyer vorgh_ / ghebede_ diderike clokinc dat hi desen brief beseghele auer ons / Ende ich Diderich clokinc bekenne dat ich mine_ seghel hier ane ghehanghe_ hebbe v˚m bede_ wille van alle_ ziden . Gegeue_ jnt jaer ons h_en d˚send drie + honderd Twe ende viertich vp su_te martiins daghe die comed in + de_ winter - -