Corpus Van Reenen-Mulder (CRM14): Oorkonde L535r36301

@ @ Wy henric van scuren alse een zakewelde / Reyner van + der huete / en_ Roelf poet alse burghen make_ @ kenlic alle_ luden myt dessen apene_ bryeue dat ic henric van scure_ vorghescreue_ hebbe vercoft h_en @ Euerde cureet der kerken van keppel en_ den ghemene_ vicarijs der vorgh_ kerken mine maet ghe-leghe_ an den berstede_ vor een edel vry eyghen en_ wy henric Reyner en_ Roelf vorghescr_ @ laue_ den Cureet en_ den vicarijs vorseyt die vorghenomede maet te waren jaer en_ dach @ vor alle die ghene dies to rechte come_ willen en_ solen / en_ laue_ om allen vorcu_mer af to @ doene weret sake dat die vorgh_ prist_e enich ghebre&esuper;c hadden an dessen vorghescreuene_ vorwarden wanneer die vorghenomede_ preest_e ons manede_ of dede manen by oren warachtighe_ bade @ to doesberch i_ oren husen oft herberghe_ so solde wy in comen le&esuper;sten to doesberch oft to @ doetinche_ in enen hersamme herberghe daer ons die vorghenomede prist_e in wisen of doen @ wisen by onser sekerheyt en_ onser trouwe daer to leysten en_ to eten alse guede lude @ pleghe_ myt dachlikes maeltiden en_ wt der leestinghe neet to sceden den vorghescreue_ @ pryst_en en sy wl~ghedaen van allen ghebrec en_ scaden die sy gheleden hebben van + der @ vorgh_ maet / jn orcu_de der waerheyt so hebbe wy henric Reyner en_ Roelf poet desse_ @ bryef myt onsen segel ghesegelt / Ghegheue_ jnt jaer ons h_en dusent drye + hondert drye @ en_ tsestich vp des heylighen crucis dach alse + me scriuet jnue_tio