Corpus Van Reenen-Mulder (CRM14): Oorkonde L535r38101

@ @ Wy wolter heer va_ voerst en_ va_ keppel knape en_ Congu_t va_ moerz vrouwe va_ voerst en_ va_ keppel zine witlike @ gheselinne make_ kont en_ kenlich alle_ lude_ mit dese_ apene_ brieue Dat wij voer ons en_ voer onse erue_ ver-kocht hebbe_ in ene_ rechte_ stede_ erfcoep / Den kircheer en_ den meyne_ priestere_ der kirke_ to keppel dye @ daer berent zin of berent solen werde_ onse guet en_ erue to velthuse_ voer een edel eyghe_ en_ de_ teende @ also als die onse is alingh grof en_ Smal auer dat voers_ guet / erflike to hebbe_ to weghe to velde to bussche @ to broke en_ to weyde_ en_ mit alle sine_ to~behore_ also als dat gheleghe_ is onder der Clocke_ to keppel en_ @ onder der Clocke_ to dreempte En_ voert~meer een deel van + de_ hekenbroec / also als dat gheleghe_ is dat @ die bouma_ to velthuse_ in pachte heeft Dat vytghegraue_ is van + den andere_ hekenbroec daer dat ene ende @ van + de_ graueStuc @ vp die huenhorst an dye bedekers delle en_ voert streckende an + de_ haek also als dat @ gheleghe_ is tussche_ De_ voers_ graue_ en_ de_ guede to tusthuse_ mit alle_ holte als dat gheleghe_ is en_ mit @ Sine_ to~behoer vytgheseecht eyke_~holt dat daer binne_ steet dat sal bliue_ an ons en_ an onse erue_ mer @ die voers_ priestere_ dye moghe_ alle jaer vijr voder quaghere_ doen houwe_ en_ ? of sij wille_ van + de_ @ voers_ eyke_~holte en_ brinke_ dat tot oere orbaer mer Sij en zolen en~gheen eyke_~holt doen houwe_ van + de_ @ Stompe voert~meer weert sake dat wij dit voers_ eyke_~holt of dede_ houwe_ of verkochte_ dattet vytghe-houwe_ worde So wes eyke_~holt dat daer weder vyt liep en_ daer weder vp wesse dat sal bliue_ an dye @ voers_ priestere_ en_ moghe_ daer voert~meer oere_ beste_ orbaer mede doen en_ daer en sole wij voert @ en~gheen recht to hebbe_ als voer ene Su_me ghelts die sij ons wal betaelt hebbe_ En_ wij Sin des voers_ @ erues en_ guedes to velthuse_ en_ dat deel van + de_ hekebroec voers_ vytghegaen en_ hebbe_ daer vp verteghe_ @ als recht is tod behuef Des kirch_n en_ der meynre priester to keppel also dat wij noch onse erue_ @ daer nu_mer recht noch ansprake tod gheenre tijt daer meer an en behaelde_ en_ Solen vm alle_ voercu_mer @ of~doen en_ ware_ vm des voers_ erues jaer en_ dach als erfcoeps recht is en_ als me_ een edel eyghe_ mit @ rechte schuldich is to ware_ voer alle die ghene die des to rechte kome_ wille_ behaelde_ Ghert neghel @ zijnre brieue dye he va_ ons heeft van + de_ teende to Dreempte al arghelist en_ alle vonde aling vytghe-scheyde_ jn orkunde des en_ vestenisse So hebbe wij voer ons en_ voer onse erue_ vnse zeghele an dese_ brief @ doen hanghe_ Gegheue_ int jaer ons h_n dusent drie + hond_t een en_ tachtentich des saterdaghes na @ vnser vrouwe_ daghe assu_pt_o